پاکستان اور اسپین میں کرکٹ کے فروغ کے لیے ایک بڑا اقدم سامنے آیا ہے۔
ڈی ایچ اے لاہور میں غنی انسٹیٹیوٹ آف کرکٹ پاکستان اور کتلان کرکٹ فیڈریشن کے درمیان ایم او یو پر دستخط کی تقریب منعقد کی گئی۔
تقریب میں کتلان کرکٹ فیڈریشن کے چیئرمین چودھری امانت حسین، ممبر سلمان گوندل، سی ای او غنی انسٹیٹیوٹ جوبیر غنی، کرکٹر سلمان بٹ اور کلب انتظامیہ نے شرکت کی۔
ایم او یو کی تقریب کے بعد میڈیا سے گفتگو کرتے ہوئے کرکٹر سلمان بٹ کا کہنا تھا کہ یورپ میں موجود پاکستانی اور مجموعی طور پر اسپین میں کرکٹ کے شوقین افراد کو معاہدے سے فائدہ ہوگا۔
سلمان بٹ کہتے ہیں کہ پاکستان اور اسپین کے کھلاڑیوں کو ایک دوسرے کے ممالک میں کھیلنے اور کوچز سے سیکھنے کا موقع ملنے گا۔
کتلان کرکٹ فیڈریشن کے چیئرمین چودھری امانت مہر نے کہا کہ فٹ بال کے بعد کرکٹ اسپین میں مقبول کھیل یے جب کہ کتلان کرکٹ فیڈریشن میں 12 سو سے زائد کھلاڑی رجسٹرڈ ہیں۔
انہوں نے مزید کہا کوشش یے کہ اسپین سے کھلاڑی بھی پی ایس ایل جیسی لیگز کا حصہ بنیں، معاہدے سے جلد اسپین کے کھلاڑی پاکستان آکر کلب میچز کھیلیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News