آسٹریلیا کی معروف ٹی ٹوئنٹی لیگ بگ بیش (BBL) میں اس بار ایک منفرد روایت قائم ہوگئی ہے۔ سڈنی سکسرز نے پاکستانی اسٹار اوپنر بابر اعظم کیلئے ایسا جرسی نمبر منتخب کیا ہے جو لیگ کی تاریخ میں کم ہی دیکھنے میں آیا ہے۔
بابر اعظم جو اس ہفتے بی بی ایل میں شرکت کے لیے سڈنی پہنچے، سیزن 15 میں سڈنی سکسرز کی نمائندگی کریں گے۔
ٹیم نے لیگ کے آغاز سے قبل ان کیلئے تین ہندسوں پر مشتمل مخصوص جرسی نمبر ‘056’ متعارف کرایا ہے یہ ان کے قومی جرسی نمبر 56 سے متاثرہ مگر سڈنی سکسرز کا اپنا مخصوص انداز ہے۔
— Sydney Sixers (@SixersBBL) December 9, 2025
فرنچائز نے اپنے سوشل میڈیا پلیٹ فارمز پر بابراعظم کی نئی جرسی کی تصاویر شیئر کیں، جن میں انہیں سڈنی کرکٹ گراؤنڈ میں نئے نمبر کے ساتھ پریکٹس کرتے دیکھا جاسکتا ہے۔
یہ منفرد اقدام نہ صرف بابر اعظم کی عالمی مقبولیت کا اعتراف ہے بلکہ بی بی ایل میں ان کے آنے سے ٹیم کی مارکیٹ ویلیو میں بھی اضافہ دیکھا جارہا ہے۔
14 دسمبر سے شروع ہونے والے سیزن میں شائقین بابر اعظم کو نئے انداز، نئے رنگ اور نئے نمبر کے ساتھ ایکشن میں دیکھنے کے لیے پُرجوش ہیں۔
