ٹیسٹ کرکٹ کے کامیاب ترین فاسٹ بولر  جیمز اینڈرسن  کی ریٹائرمنٹ سے متعلق سوشل میڈیا پر افواہیں زیر گردش ہیں۔

تفصیلات کے مطابق حالیہ ایشیز سیریز میں خاطر خواہ کارکردگی نہ دکھا پانے پر ناقدین  کی جانب سے جیمز اینڈرسن پر تنقید کی گئی اور بعض لوگوں نے کہا کہ وہ ریٹائرمنٹ کا اعلان کرنے والے ہیں۔

تاہم  جیمز اینڈرسن نے ایک مقامی اخبار کو انٹرویو کے دوران ان افواہوں کی  تردید کرتے ہوئے کہا کہ ریٹائرمنٹ کے بارے میں میری ابھی کوئی سوچ نہیں ہے۔

انہوں نے کہا کہ   کوچ اور کپتان مجھے ٹیم میں رکھنا چاہتے ہیں، اس لیے جب تک میں کھیل سکتا ہوں  تب  تک میں اپنی بہترین کارکردگی دکھانے کی کوشش کرتا رہوں گا۔

اینڈرسن نے اعتراف کیا کہ وہ حالیہ ایشیز سیریز  میں زیادہ اثر نہ ڈال پانے سے ’مایوس‘ہوئے ہیں۔

انہوں نے مزید کہا کہ   لیکن  مجھے اب بھی ایسا لگتا ہے کہ میں اچھی بولنگ کر رہا ہوں۔

واضح رہے ایشیز سیریز کے 4 ٹیسٹ میچز میں اینڈرسن نے 76.75 کی اوسط سے صرف 4 وکٹیں ہی حاصل کی ہیں۔

جیمز اینڈرسن کا شمار دنیا کے کامیاب  ترین ٹیسٹ بولرز میں ہوتا ہے ۔ انہوں نے سری لنکن آف اسپنر مرلی  دھرن(800) اور آسٹریلوی لیگ اسپنر شین وارن (708) کے بعد سب سے زیادہ (689) وکٹیں حاصل کررکھی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں