ایشین گیمز مینز کرکٹ ایونٹ کے کوارٹر فائنل میں پاکستان نے ہانگ کانگ کو روند ڈالا۔
تفصیلات کے مطابق چینی شہر ہانگزو میں کھیلے گئے دوسرے کوارٹر فائنل میچ میں ہانگ کانگ نے ٹاس جیت کر پاکستان کو پہلے بیٹنگ کرنے کی دعوت دی۔
عامر جمال کی 41 رنز کی جارحانہ اننگز کی بدولت پاکستان ٹیم مقررہ 20 اوورز میں 160 رنز بناکر آل آؤٹ ہوگئی۔آصف علی اور عرفات منہاس 25،25 جبکہ عمیر یوسف 21 رنز بناکر دیگر نمایاں بلے باز رہے۔
خوشدل شاہ اور روحیل نذیر 13،13، کپتان قاسم اکرم 12، حیدر علی 4 جبکہ مرزا بیگ اور ارشد اقبال بغیر کوئی رن بنائے آؤٹ ہوئے۔
ہانگ کانگ کی جانب سے آیوش شکلا نے 4، محمد غضنفر نے 3، انس خان نے 2 اور احسان خان نے ایک وکٹ حاصل کی۔
ہدف کے تعاقب میں ہانگ کانگ ٹیم صرف 92 رنز بناکر ڈھیر ہوگئی۔بابر حیات 29 رنز بناکر نمایاں بلے باز رہے۔
پاکستان کی جانب سے خوشدل شاہ نے 3 جبکہ عرفات منہاس، سفیان مقیم اور قاسم اکرم نے 2،2 وکٹیں حاصل کیں۔
اس سے قبل پہلے کوارٹر فائنل میں بھارت نے نیپال کو 23 رنز سے شکست دی تھی۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News