ورلڈکپ 2023  کو دنیائے کرکٹ کے کئی نامور کھلاڑیوں کا آخری ورلڈکپ  کہا جارہا ہے۔

ممکنہ طور پر  یہ ورلڈکپ روہت شرما، ویرات کوہلی،  اسٹیو اسمتھ، مچل اسٹارک، جوش ہیزل ووڈ، گلین میکسویل، مشفق الرحیم، شکیب الحسن، جوز بٹلر ، جونی بیئر اسٹو، جو روٹ، کین ولیمسن ، ٹرینٹ بولٹ، ٹم ساؤتھی،ڈیوڈ ملر، دیموتھ کرونا رتنے اور کوشال پریرا  کا آخری ورلڈکپ تھا۔

اس کے علاوہ بھی کئی کھلاڑی اس ممکنہ فہرست  میں شامل ہیں جو 2027 کے ورلڈکپ سے قبل ون ڈے کرکٹ سے ریٹائرمنٹ لے لیں گے۔

ایسے میں ای ایس پی این کرک انفو نے سماجی رابطے کی ویب سائٹ ایکس (سابقہ ٹوئیٹر) پر ڈیوڈ وارنر کے مجموعی ورلڈکپ کیریئر سے متعلق پوسٹ لگائی گئی جس کے کیپشن میں لکھا گیا ’ ڈیوڈ وارنر کا ون ڈے ورلڈ کپ کیریئر شاندار ریکارڈ کے ساتھ اختتام پذیر ہوا‘۔

37 سالہ ڈیوڈوارنر نے اسے ری پوسٹ کیا اور لکھا’ کس نے کہا میرا کیریئر ختم ہوگیا‘۔

Who said I’m finished?? https://t.co/1WMACz33RL

— David Warner (@davidwarner31) November 20, 2023

ڈیوڈ وارنر کی اس پوسٹ سے ان کے مداحوں نے ایک امید جگالی ہے کہ وہ اپنے پسندیدہ کھلاڑی کو 2027 کے ورلڈکپ میں بھی کھیلتا ہوا دیکھیں گے۔

خیال رہے کہ ورلڈکپ 2027 میں ڈیوڈ وانر کی عمر 41 سال ہوگی۔

ڈیوڈ وارنر نے 2015، 2019 اور 2023 کے تین ورلڈکپ میں 6 سنچریز ، 5 نصف سنچریز کی مدد سے 56.55 کی اوسط سے مجموعی طور پر 1527 رنز بنائے ہیں۔

وہ دومرتبہ ورلڈکپ (2015اور 2023)، آئی سی سی ٹیسٹ چیمپئن شپ (2022) اور ٹی ٹوئنٹی ورلڈکپ (2021) جیتنے والے پانچ خوش نصیب کھلاڑیوں میں شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں