ٹیکنالوجی کے اعتبار سے ایشیا تمام خطوں سے آگے
ٹیکنالوجی کی ترقی میں براعظم ایشیانےسب کوپیچھےچھوڑدیاہے۔
تفصیلات کےمطابق ٹیکنالوجی میں ترقی،ایشیانےپوری دنیاکوپیچھےچھوڑدیاہے۔ ورلڈ انٹلیکچوئل پراپرٹی آرگنائزیشن (ڈبلیو آئی پی او) کی رپورٹ میں یہ انکشاف کیاگیاہےکہ ایشیاکا براعظم ٹیکنالوجی کےمیدان میں باقی خطوں کےمقابلےمیں سب سےتیزی سےترقی کررہاہے۔
سال 2018ء کےدوران دنیابھرمیں 3.3 ملین پیٹنٹ ایپلیکیشنزجمع کروائی گئی ہیں جن میں سے نصف تعدادچین میں جمع کروائی گئی۔ کسی بھی نئی ایجاد / اختراع کواس کےتخلیق کارکے ساتھ رجسٹر کرانےسےدیگرلوگ اس کی نقل نہیں کرسکتے۔
وائپو کی رپورٹ کے مطابق گزشتہ سال کے دوران ٹریڈ مارک، صنعتی ذیزائن ماڈل اور پیٹنٹس کی تقریبا دو تہائی تعداد براعظم ایشیا کے ممالک میں جمع کرائی گئیں جس سے ظاہر ہوتا ہے کہ تکنیکی ترقی میں یہ خطہ دنیا کےدیگر خطوں کے مقابلے میں زیادہ تیزی سے ترقی کر رہا ہے۔
اقوام متحدہ کے ذیلی ادارے ورلڈ انٹلیکچوئل پراپرٹی آرگنائزیشن کے ڈائریکٹر جنرل فرانسس گری نے کہا ہے کہ ایشیا دنیا بھرمیں اختراعات یا ایجادات کا گڑھ بن چکا ہے۔ وائپو کے مطابق سال 2018ء میں سال 2017ء کے مقابلہ میں جمع کرائے گئے نئے پیٹنٹس کی تعداد میں 5.2 فیصد کا اضافہ ہوا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News