فیس بک کو اپنے ہی پلیٹ فارم پر متحرک صارفین کی تعداد کا تعین کرنے میں مشکلات کا سامنا کرنا پڑرہا ہے۔
اس حوالے سے فیس بک کی جانب سے ایک رپورٹ جاری کی گئی ہے جس میں بتایا گیا ہے کہ کمپنی کو اپنے متحرک صارفین کی اصل تعداد جاننے میں دشواری ہورہی ہے کیونکہ ایک صارف نے اپنے کئی اکاؤنٹ بنا رکھے ہیں۔
فیس بک کی جاری کردہ رپورٹ میں بتایا گیا ہے کہ فیس بک نے 5 ہزار حالیہ سائن اپس کی جانچ پڑتال کی تو دریافت ہوا کہ 32 سے 56 فیصد اکاؤنٹس ایسے صارفین نے بنائے جن کے پہلے بھی اس سوشل نیٹ ورک پر اکاؤنٹس تھے۔
اس سے یہ عندیہ ملتا ہے کہ فیس بک کے روزانہ کی بنیاد پر متحرک صارفین کی تعداد زیادہ قابل اعتبار نہیں ہیں۔
اس حوالے سے بات کرتے ہوئے ایک نمائندے نے بتایا ہے کہ فیس بک کی جانب سے ایسے افراد کو بین کیا جاتا ہے جن کے متعدد ذاتی اکاؤنٹس ہوتے ہیں کیونکہ کمپنی خود کو حقیقی شناخت والا پلیٹ فارم قرار دیتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News