جیک ڈورسے نے دوبارہ ٹوئٹر کے سی ای او کے عہدے پر تعینات کیے جانے کے حوالے سے افواہوں پر وضاحت پیش کردی۔
سوشل میڈیا پر افواہیں ہیں کہ ٹیسلا کے مالک ایلون مسک کے ٹوئٹر کا چارج سنبھالنے کے بعد جیک ڈورسے کو سی ای او کے عہدے پر دوبارہ فائز کر دیا جائے گا۔
تاہم بدھ کے روز ایک ٹوئٹ کے جواب میں ان کا کہنا تھا کہ وہ دوبارہ کبھی سی ای او نہیں ہوں گے۔
ایک اور ٹوئٹ کے جواب میں ان کا کہنا تھا کہ کسی کو بھی ٹوئٹر کا سی ای او نہیں ہونا چاہیئے۔
ڈورسے کی ٹوئٹر کے لیڈر شپ کے ساتھ متنازع تاریخ رہی ہے۔
کمپنی کے بورڈ نے ان کو 2008 میں، کمپنی شروع کرنے کے دو سال بعد، سی ای او کے عہدے فارغ کیا تھا۔ اگرچہ وہ بورڈ میں شامل رہے۔
2015 میں وہ دوبارہ چیف ایگزیکٹِیو کی پوزیشن پر آئے لیکن 2020 میں ٹوئٹر بورڈ کے سرمایہ کاروں کے ایک گروپ نے ان کو بدلنے کی کوششیں شروع کیں۔
انہوں نے ڈورسے کی منقسم توجہ اور اختراع میں کمی کی نشان دہی کی لیکن ڈورسے اپنے عہدے سے جڑے رہے۔
بالآخر نومبر 2021 میں مبہم وجوہات کی بنا پر عہدے سے استعفیٰ دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News