ماہرین نے دعویٰ کیا ہے کہ دنیا میں پہلی بار خنزیر کا دل پانے والے شخص کی موت ممکنہ طور پر دل کے وائرس سے متاثر ہونے کے سبب ہوئی ہو۔
امریکی ریاست میری لینڈ سے تعلق رکھنے والے 57 سالہ ڈیوڈ بینیٹ کی موت خنزیر کے جینیاتی طور پر تبدیل شدہ دل لگنے کے دو ماہ بعد 8 مارچ کو ہوئی۔
میری لینڈ میڈیکل سینٹر، جہاں پر یہ سرجری کی گئی، کے ڈاکٹرز کا کہنا تھا کہ ان کی موت کے وقت کوئی واضح سبب کی شناخت نہیں ہوئی۔
لیکن اس آپریشن کے پیچھے موجود سربراہ سرجن ڈاکٹر بارٹلے گرِیفتھ نے اشارہ دیا ہے کہ ممکنہ طور پر دل پورسین سائٹومیگالووائرس سے متاثر ہوگا۔
ایم آئی ٹی ٹیکنالوجی ریویو میگزین کے مطابق ڈاکٹر گرِیفتھ نے 20 اپریل کو ایک ویبینار کو بتایا کہ ان کی ٹیم یہ بات سمجھنے کی کوشش شروع کرنے جارہی ہے کہ ڈیوڈ بینیٹ کی موت کیوں ہوئی۔
سرجن کے مطابق وائرس شاید وہ کردار ہوسکتا ہے جس نے یہ سب کیا۔
یہ سوالات اب ریوائوی کور نامی بائیو ٹیک فرم پر اٹھائے جارہے ہیں جو خنزیروں کو پالتی ہے اور ان میں انجینیئرنگ کرتی ہے۔
ریوائوی کور نے ایم آئی ٹی ٹیکنالوجی ریویو کے تبصرے کو مسترد کردیا اور اب تک ان دعووں کے متعلق عوامی سطح پر کوئی بیان جاری نہیں کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News