کیا آپ نے کبھی سوچا کہ کمپیوٹر ماؤس کو ماؤس کیوں کہا جاتا ہے؟

اگر نہیں تو آج ہم آپ کو بتائیں گے کہ کمپیوٹر پر کام کرنے کیلئے استعمال کی جانے والی ڈیوائس ( ماؤس ) کو ماؤس کیوں کہتے ہیں۔

  کمپیوٹر ماؤس کی تاریخ

شاید آپ کو علم ہو کہ دنیا کا پہلا ماؤس (پروٹوٹائپ ماڈل) 6 دہائیوں قبل 1963 میں اسٹینفورڈ ریسرچ انسٹیٹیوٹ سے تعلق رکھنے والے ڈگلس انجل برٹ نے تیار کیا تھا۔

اس ماؤس کو لکڑی سے تیار کیا گیا تھا اور اس میں 2 پہیے استعمال کیے گئے تھے جو 2 ڈی موومنٹ کو ٹریک کرتے تھے اور 1967 میں پیٹنٹ درخواست جمع کرائی جس پر 1970 پیٹنٹ رجسٹر ہوا۔

درحقیقت دنیا میں کسی کمپیوٹر کے ساتھ استعمال ہونے والا پہلا ماؤس 1981 میں سامنے آیا تھا، یہ ماؤس Xerox کے اسٹار ورک اسٹیشن نامی کمپیوٹر کا حصہ تھا۔

تو اب جہاں تک نام کی بات ہے تو حقیقت تو یہ ہے کہ یہ معلوم نہیں کہ کیسے اسے ماؤس کا نام دیا گیا۔

جب اس بارے میں ڈگلس انجل برٹ سے پوچھا گیا تو انہوں نے بتایا کہ کسی کو بھی یاد نہیں کہ کس نے اس ڈیوائس کا نام ماؤس رکھا، بس اس کی چوہے سے مشابہت کی وجہ سے ہم نے ایسا کہنا شروع کیا۔