ٹیکنالوجی کمپنی گوگل کی جانب سے پلے اسٹور سے 13 ایپلی کیشنز کو ہٹا دیا گیا۔
غیر ملکی میڈیا رپورٹ کے مطابق پلے اسٹور پر موجود 13 ایپس پر انتہائی نقصان دہ وائرس کی نشاندہی کی گئی تھی جس کے بعد گوگل نے فوری اقدام کرتے ہوئے مذکورہ ایپس کو وہاں سے ہٹا دیا ہے۔
ماہرین نے بتایا کہ ایپلی کیشنز میں موجود یہ وائرس اتنا خطرناک ہے کہ ڈیوائس میں ایپ کے انسٹال ہونے کے بعد سائبر حملہ آور صارفین کی ڈیوائس کا کنٹرول سنبھالتے ہوئے بہت سی چیزوں تک رسائی حاصل کر سکتے ہیں اور صرف اتنا ہی نہیں بلکہ رسائی حاصل کرنے کے بعد ہیکر صارف کے علم میں آئے بغیر ڈیوائس میں اسپائی ویئر یا پیسے چُرانے والے بینکنگ ٹروجن سے شامل کر سکتے ہیں۔
رپورٹ کے مطابق یہ بگ اتنا شاطر ہے کہ ہیکرز کو اسکرین پر موجود ایپس کو چھپانے کی صلاحیت بھی دیتا ہے جس کی وجہ سے صارف یہ نہیں دیکھ سکتا کہ فون کو سست کرنے والے ایڈویئر کو انسٹال کیا جارہا ہے۔
گوگل پلے اسٹورز کی جانب سے ہٹائی گئی 13 ایپلی کیشنز کی لسٹ کو نیچے دیکھ سکتے ہیں۔
Essential Horoscope for Android – 100,000 ڈاؤن لوڈ
3D Skin Editor for PE Minecraft – 100,000 ڈاؤن لوڈ
Logo Maker Pro – 100,000 ڈاؤن لوڈ
Auto Click Repeater – 10,000 ڈاؤن لوڈ
Count Easy Calorie Calculator : 10,000 ڈاؤن لوڈ
Sound Volume Extender – 5,000 ڈاؤن لوڈ
LetterLink – 1,000 ڈاؤن لوڈ
NUMEROLOGY ؛ : PERSONAL HOROSCOPE &NUMBER PREDICTIONS : 1,000 ڈاؤن لوڈ
Step Keeper: Easy Pedometer – 500 ڈاؤن لوڈ
Track Your Sleep – 500 ڈاؤن لوڈ
Sound Volume Booster – 100 ڈاؤن لوڈ
Astrological Navigator: Daily Horoscope & Tarot – 100 ڈاؤن لوڈ
Universal Calculator – 100 ڈاؤن لوڈ
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News