دنیا کی سب سے زیادہ استعمال ہونے والی سماجی رابطے کی ایپلی کیشن واٹس ایپ کے صارفین کے لئے انتہائی اہم خبر آ گئی ہے۔

رپورٹ کے مطابق واٹس ایپ کی جانب سے چینلز میں پولز دیے جانے کے آپشن کی آزمائش شروع کردی گئی ہے۔

واٹس ایپ پر چینلز کے فیچر کو ستمبر 2023 میں دنیا کے 150 سے زائد ممالک میں پیش کیا گیا تھا اور اکتوبر 2023 تک اسے پاکستان میں بھی پیش کردیا گیا تھا۔

چینلز کو پیش کیے جانے کے بعد اس میں پولز سمیت ریپلائی کرنے کے فیچر کو بھی پیش کرنے کا اعلان کیا گیا تھا۔

اور اب خبر سامنے آئی ہے کہ پولز کے فیچر کی آزمائش شروع کردی گئی اور محدود صارفین کو اس تک رسائی دے دی گئی۔

محدود صارفین کو چینلز میں پولز کے آزمائشی پروگرام تک رسائی دی گئی ہے جبکہ اسے محدود ممالک میں پیش کیا گیا ہے۔

پولز کی کامیاب آزمائش کے بعد اسے چند ماہ میں باضابطہ طور پر متعارف کرائے جانے کا امکان ہے۔

فیچر کے تحت چینلز میں پولز پر فالوور اپنی رائے کا اظہار کر سکیں گے، تاہم رائے دینے والے فالورز کے فون نمبرز چینل کے ایڈمن کو نظر نہیں آئیں گے۔

چینل پر دیے جانے والے پولز میں کوئی بھی فالوور ایک ہی آپشن پر کلک کرنے کے اہل ہوں گے تاہم صارفین کو اختیار ہوگا کہ وہ آپشن کو تبدیل بھی کریں۔