واضح رہے کہ یوٹیوب نے اپنے صارفین اور کریئٹرز کے لیے ایک نیا آپشن پیش کیا ہے جس کے بعد صارفین اپنی ویڈیوزخصوصاً شارٹس میں ری مکس میوزک ویڈیوز کو استعمال کرسکتے ہیں۔
یوٹیوب شارٹس اسٹریمنگ ویب سائٹ کا ایک ورژن ہے، جہاں کانٹنیٹ کریئیٹرز ٹک ٹاک کی طرح مختصر ویڈیوز شیئر کرتے ہیں۔
یوٹیوب صارفین خاص طور پر شارٹس کے لیے جن مشہور گلوکاروں کے گانے ری مکس کرکے استعمال کرسکتے ہیں ان میں بیونسے، میگی راجراور دوسرے مقبول گلوکار شامل ہیں۔ تاہم انہیں ری مکس کے بعد ہی استعمال کیا جاسکے گا۔
یہ بات سب ہی جانتے ہیں کہ ری مکسنگ کی لڑائی ایک کاروباری لڑائی ہے جو یوٹیوب شارٹس اور ٹک ٹاک کے درمیان کافی عرصے سے جاری ہے۔
واضح رہے کہ اس مہینے کے آغاز کے ساتھ ہی ٹک ٹاک نے یونیورسل میوزک گروپ (UMG) کے ساتھ تنازعہ کی وجہ سے ٹیلر سوئفٹ، ڈریک، اور اولیویا روڈریگو جیسے فنکاروں کے میوزک استعمال کرنے کے لائسنز سے محروم ہوگیا ہے اس کی وجہ یہ ہے کہ ٹک ٹاک نے یونیورسل میوزک گروپ سے جو معاہدہ کیا تھا اس کی تجدید نہیں کی جبکہ میوزک گروپ نے ٹک ٹاک پر دھمکی دینے کا الزام بھی عائد کیا ہے کہ ٹک ٹاک بنا معاوضہ ادا کیے میوزک ویڈیوز کا استعمال کرتا رہے گا۔ٹک ٹاک اور یونیورسل گروپ کے درمیان معاہدے، لائسنزنگ اور معاوضے کے اوپر تنازعہ کافی عرصے سے چل رہا تھا اور اسی بنا پر یونیورسل میوزک گروپ نے ٹک ٹاک سے معاہدہ ختم کیا جیسے ہی ٹک ٹاک سے یہ معاہدہ ختم ہوا یوٹیوب اس کا منتظر تھا گویا اور اس نے یو ایم جی سے معاہدہ کرلیا۔
اس طرح جیت یوٹیوب کی ہوئی کیو نکہ یوٹیوب صارفین اب یونیورسل میوزک لائبریری تک رسائی رکھتے ہیں۔
یہ نیا آپشن یوٹیوب کی ایک بہت بڑی کامیابی ہے کیونکہ اب اس کے صارفین یونیورسل میوزک گروپ کی ایک وسیع لائبریری تک رسائی رکھتے ہیں جہاں سے وہ اپنے من پسند گانے کا انتخاب کر سکیں گے، ری مکس میوزک کر کے اپنی میوزک ویڈیو میں اس کا استعمال کر سکیں گے اس طرح سے یوٹیوب کو اس کا بہت زیادہ فائدہ ہوا ہے اب آپ شاٹس اور چھوٹی ویڈیو کے ساتھ میوزیکل ویڈیو بھی بنا سکتے ہیں اور اس طرح انہیں کاپی رائٹ کا بھی کوئی مسئلہ نہیں ہوگا۔ کیونکہ وہ اس میوزک کو ری مکس کر کے استعمال کریں۔
واضح رہے کہ اب یہ فیچر ری مکس بٹن کے اضافے کے ساتھ یوٹیوب میں شامل کردیا گیا ہے لیکن فی الحال یہ صرف شارٹ ویڈیو کے لیے دستیاب ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News