واٹس ایپ نے بدلتے تقاضوں کے تحت اسٹیٹس سیکشن پر کام شروع کردیا ہے اور اسے بی ٹا ورژن میں ریلیز بھی کردیا ہے۔ فی الحال اسے اینڈروئڈ ورژن کے لیے ہی ریلیز کیا جارہا ہے۔
چند تفصیلات کے مطابق ایک دائرہ نما ڈسپلے تصویر بطور اسٹیٹس نمایاں ہوگی۔ اور بقیہ لے آوٹ کسی کارڈ کی مانند مستطیل دکھائی دے گا۔
اگرچہ واٹس ایپ نے گزشتہ دنوں اپنے چینلز کے لیے کئی تبدیلیاں پیش کی ہیں اور اب اسٹیٹس کے لے آوٹ کو بدلنے کا ارادہ ظاہر کیا ہے۔ اسی لیے اب اسٹیٹس پر بھی چینل یا چینلز کی پوسٹ کو بطور اسٹیٹس بھی ظاہر کیا جاسکتا ہے۔ اس طرح اسٹیٹس اور چینلز کی پوسٹ کو ایک ساتھ ہی دیکھا جاسکے گا۔
اس کی تفصیلات واٹس ایپ کی مخبر ویب سائٹ ڈبلیو بی ٹا انفو پر جاری کی گئی ہیں۔ اور ورژن v2.24.4.23 میں اسے دیکھا جاسکتا ہے۔
اب دیکھنا یہ ہے کہ صارفین اس پر کس طرح کا ردِ عمل ظاہر کرتے ہیں۔ واٹس ایپ کے مطابق وہ اسٹیٹس کو بہتر بنانے میں کوشاں ہے۔ اس بار مستطیل شکل میں اسٹیٹس ظاہر کیا گیا ہے جس کے اندر دائرہ نما تصویر رکھی جاسکتی ہے اور چینلز کو بھی اور بطور اسٹیٹس دیکھا جاسکتا ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News