یوٹیوب نے ْکری ایٹ’ نامی ایک فیچر بٹن پیش کردیا ہے جس کی بدولت صارفین موبائل ایپ پر رہتے ہوئے اپنی ویڈیو اور شارٹس ایڈٹ کرسکیں گے۔ فی الحال ارجنٹینا، برازیل، کینیڈا، فِن لینڈ، ہانگ کانگ، تھائی لینڈ اور ترکی سمیت دیگر ممالک کے لیے یہ نیا ٹول پیش کیا جارہا ہے۔
گزشتہ ستمبر کو ایک ٹیکنالوجی نمائش میں یوٹیوب نے اس کا اعلان کیا تھا جس کی بدولت بالخصوص شارٹس ویڈیو کو ایڈٹ کرنا آسان بنایا گیا ہے۔ لیکن اس میں بہت سارے مفید آپشن شامل ہیں جن میں پس منظر کا شور ختم کرنا، انگریزی، ہندی اور ہسپانوی زبان میں کیپشن، فلٹرز، افیکٹس اور ٹرانزیکشنز، رائلٹی فری یعنی بلامعاوضہ میوزک اور گانوں تک رسائی، ڈائریکٹ پبلشنگ، اور دیگر آپشن شامل ہیں۔ اسے آپ کیپ کٹ ایپ کا یوٹیوب ورژن بھی کہہ سکتے ہیں۔
فی الحال پہلے مرحلے پر اسے اینڈروئڈ فون کے لیے پیش کیا گیا ہے۔ واضح رہے کہ اس سے قبل یہ امریکا، بھارت اور برطانیہ وغیرہ کے صارفین کے لیے پہلے ہی پیش کیا جاچکا ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News