فرانس نے گوگل پر 25 کروڑ یورو کا جرمانہ عائد کردیا۔
غیر ملکی میڈٰیا رپورٹس کے مطابق فرانس کے مسابقتی کمیشن نے اپنے جاری کردہ ایک بیان میں کہا کہ گوگل پر یہ جرمانہ یورپی یونین انٹلیکچوئل پراپرٹی قوانین کی خلاف ورزی پر عائد کیا گیا ہے۔
یورپی ادارے نے گوگل کے آرٹی فیشل انٹیلی جنس (اے آئی) چیٹ بوٹ بارڈ (جس کا نام اب تبدیل کرکے جیمنائی کر دیا گیا ہے) کے حوالے سے بھی خدشات کا اظہار کیا۔
بیان میں کہا گیا کہ اے آئی چیٹ بوٹ کو خبر رساں اداروں اور میڈیا اداروں کو آگاہ کیے بغیر ان کے مواد سے تربیت دی جا رہی ہے۔
بیان میں یہ بھی کہا گیا کہ کمپنی کی جانب سے اس حوالے سے مختلف اقدامات تجویز کیے گئے تھے مگر ان پر عملدرآمد نہیں کیا گیا۔
یہ جرمانہ فرانس کے بڑے میڈیا اداروں کی جانب سے آن لائن مواد کے بارے میں دائر مقدمے پر عائد کیا گیا۔
اس مقدمے میں گوگل پر ابتدائی طور پر 50 کروڑ یورو کا جرمانہ عائد کیا گیا تھا مگر اس پر عدالت سے باہر تصفیہ کرتے ہوئے گوگل نے مختلف اقدامات کرنے کی یقین دہائی کرائی۔
اب فرانسیسی مسابقتی کمیشن نے بتایا کہ گوگل نے معاہدے کی ان 7 میں سے 4 شرائط کی خلاف ورزی کی، جن پر اس نے خود اتفاق کیا تھا۔
گوگل نے میڈیا اداروں کے کاپی رائٹ مواد کو اپنے چیٹ بوٹ کو تربیت دینے کے لیے استعمال کیا، اس طرح میڈیا اداروں کے لیے منصفانہ قیمتوں کا حصول ناممکن ہوا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News