شادی کی سالگرہ بھول جانے پر بیوی نے اپنے شوہر کی دھلائی کر دی۔
حال ہی میں بھارت کے شہر ممبئی کے مضافاتی علاقے گھاٹکوپر میں ایک واقعہ پیش آیا جہاں خاتون نے میکے والوں کے ساتھ مل کر اپنے شوہر کو تشدد کا نشانہ بنا ڈالا۔
میڈیا کا کہنا ہے کہ شوہر شادی کی سالگرہ بھول گیا اور گھر تاخیر سے آیا تو شوہر اور بیوی میں جھگڑا ہو گیا، لڑکی نے کال کرکے اپنے بھائی اور ماں باپ کو بلوا لیا جنہوں نے شوہر کی پٹائی شروع کر دی۔
یہ بھی پڑھیں؛ دولہا کو عین شادی کے وقت اپنی شرط منوانا مہنگا پڑگیا
لڑائی کے دوران شوہر کی والدہ اپنے بیٹے کو بچانے کے لیے درمیان میں آئی تو اس کو بھی خوب مارا، لڑکی اور اس کے گھر والوں کا غصہ یہاں پر ختم نہیں ہوا بلکہ انہوں نے لڑکے کی موٹرسائیکل بھی توڑ دی۔
میڈیا کے مطابق لڑکے کا نام وشال نانگرے، عمر 32 سال اور کوریئر کمپنی میں بطور ڈرائیور ملازمت کرتا ہے، جبکہ اس کی اہلیہ کلپنا ، عمر 27 سال اور ریسٹورنٹ میں ملازمت کرتی ہے، دونوں کی شادی 2018 میں ہوئی تھی۔
دوسری جانب پولیس نے وشال کی مدعیت میں کلپنا اور اس کے گھر والوں کے خلاف مقدمہ درج کر لیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News