بچوں کی پیدائش پر والدین اکثر مٹھائیاں بانٹتے، خوشیاں مناتے، دعوتیں کرتے ہوئے نظر آتے ہیں لیکن حال ہی میں وائرل ہونے والی تصاویر نے ایک الگ ہی مثال قائم کی ہے۔
ایکس (سابقہ ٹوئٹر) ر ایک صارف نے ایک خوبصورت تصویر شیئر کی جس میں ایک بچی کی پیدائش کا جشن منانے کے لیے گلابی غباروں سے سجی ہاؤسنگ سوسائٹی کو دکھایا گیا ہے۔
پورا محلہ گلابی رنگوں کے غباروں سے سجا ہوا تھا، جو کہ بچی کے استقبال کے لیے خوشی کا ایک خوبصورت منظر تھا۔
سپریا کی طرف سے 27 فروری کو ایکس پر پوسٹ کی گئی تصویر صارفین کی توجہ کا مرکز بن گئی جس میں ایک محلے میں موجود تمام مکانات کو گلابی رنگ کے غباروں سے سجایا گیا تھا۔
والدین کی جانب سے یہ عمل اس بات کا پختہ ثبوت تھا کہ وہ اپنی بیٹی کی پیدائش اور اس کا بھرپور انداز میں استقبال کرنے کے لئے کتنے پرجوش تھے۔
پوسٹ کے وائرل ہونے کے بعد سے اسے 1 ملین سے زیادہ ویوز مل چکے ہیں۔ سوشل میڈیا صارفین نے پوسٹ کے کمنٹس سیکشن میں اپنے مثبت ردعمل کا اظہار بھی کیا ہے۔
کئی صارفین نے اس بات پر بھی روشنی ڈالی ہے کہ یہ خاندانوں اور معاشرے میں صنفی کردار کے بارے میں ابھرتے ہوئے تصورات کا ثبوت ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News