ترجمان موٹروے پولیس سید تراب علی کا کہنا ہے کہ اس وقت ایم نائن لیاری ایکسپریس وے سے جامشورو تک بارش جاری ہے، شہریوں سے گزارش ہے کہ غیرضروری سفر سے گریز کریں ۔
ترجمان موٹروے پولیس سید تراب علی کا کہنا ہے کہ آ گے ایم 5 مٹیاری اور مورو ہائی وے پر بھی بارش ہو رہی ہے۔ جبکہ باقی زون میں مطلع ابر آ لود ہے۔
سید تراب علی نے شہریوں کو ہدایت کی ہے دوران بارش گاڑی کی رفتار کم رکھیں۔ خشک سڑک کے نسبت گیلی سڑک پر رُکنے میں زیادہ وقت لگتا ہے، اس لیے اگلی گاڑی سے درمیانی فاصلہ زیادہ رکھیں ۔
انہوں نے مزید کہا کہ وائپر کا استعمال کرتے رہیں۔گاڑی کے اگلے اور پچھلے شیشے صاف رکھیں۔ گاڑیوں کے درمیان مناسب فاصلہ رکھیں اور پارکنگ لائٹ کا استعمال کریں۔
ترجمان موٹروے پولیس نے کہا کہ سفر شروع کرنے سے پہلے ہیلپ لائن 130 سے مدد لیں جبکہ موبائل فون ایپلیکیشن”این ایچ ایم پی ہمسفر” میں تازہ ترین ٹریول ایڈوائزری جاری کر دی گئی ہے۔
سید تراب علی نے کہا کہ سفر شروع کرنے سے پہلے اور دوران سفر ایپلیکیشن کا استعمال مفید ثابت ہوسکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News