نیدر لینڈ کے محقق فرینک ہوگربیٹس نے پیشگوئی کی تھی کہ ایک خوفناک زلزلہ پاکستان کو متاثر کرے گا۔
رواں سال فروری میں ترکی اور شام میں خوفناک زلزلہ آیا تھا جس میں تقریباً 50 ہزار لوگ جاں بحق ہوگئے تھے، اس زلزلے کے آنے سے قبل ہی فرینک ہوگربیٹس نے اس کی پیشگوئی کردی تھی جو کہ سچ ثابت بھی ہوئی۔
پاکستان میں زلزلہ 48 گھنٹوں میں آنے کی پیشگوئی کی گئی ہے جبکہ اس پیشگوئی کے بعد پاکستانی عوام میں تشویش کی لہر دوڑ گئی ہے۔
سوشل میڈیا پر قیاس آرائیاں جاری ہیں کہ فرینک کی پہلے بھی پیشگوئی سچ ثابت ہوئی تھی، پاکستان کو زلزلے سے بڑا خطرہ ہوسکتا ہے۔
محکمہ موسمیات نے اس پیشگوئی سے متعلق افواہوں کی تردید کرتے ہوئے کہا کہ زلزلہ کب اور کہاں آئے گا اس کی پیشگوئی نہیں کی جاسکتی جبکہ کسی انٹرنیشنل ادارے سے زلزلے کی کوئی وارننگ اور ہدایات جاری نہیں ہوئیں لہذا عوام سوشل میڈیا پر گردش خبروں پر دھیان نہ دیں۔
محکمہ موسمیات کا کہنا ہے کہ زمین کے اندر 2 بڑی پلیٹوں کی سرحدیں پاکستان کے درمیان سے گزرتی ہیں، سرحدیں سونمیانی سے پاکستان کے شمالی علاقے تک پھیلی ہوئی ہیں، ان باؤنڈری لائنوں میں کسی بھی مقام پر زلزلہ آ سکتا ہے۔
محکمہ موسمیات کے مطابق 1892 میں چمن فالٹ پر 9 سے 10 کی شدت کا زلزلہ آ چکا ہے، 1935 میں چلتن رینج میں زلزلہ آیا تھا جس میں کئی ہزار افراد جاں بحق ہوئے، عام طور پر 100 سال کا عرصہ گزرنے کے بعد باؤنڈری لائنوں میں دوبارہ زلزلے کا امکان ہوتا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News