اقوام متحدہ کے سیکرٹری جنرل انتونیو گوتریز نے بھارت میں مظاہرین پر پولیس کی طرف سے طاقت کے استعمال پر صبر و تحمل اور پرامن مظاہرین کے حقوق کی مکمل پاسداری پر زور دیا۔

خبررساں ادارے  کے مطابق  اقوام متحدہ کے سربراہ کے ترجمان سٹیفن ڈیوجیرک نے نیویارک میں اقوام متحدہ کے ہیڈکوارٹرز میں صحافیوں سے گفتگو کرتے ہوئے بھارت میں مظاہرین پر پولیس کی طرف سے طاقت کے استعمال پر تشویش کااظہار کیا ہے۔

اقوام متحدہ کے سیکرٹری جنرل انتونیو گوتریز ننے بھارت میں مظاہرین پر پولیس کی طرف سے طاقت کے استعمال پر اظہار رائے کی آزادی اور پرامن مظاہرین سے نمٹنے کیلئے صبر وتحمل پر زور دیا ہے ۔

یاد رہے کہ شہریت کے متنازعہ ترمیمی بل کیخلاف بھارت میں بڑے پیمانے پر مظاہرے ہو رہے ہیں، اقوام متحدہ نے بھارت کے شہریت کے نئے قانون کو بنیادی طور پر امتیازی قرار دیا جس میں مسلمانوں کو دوسری اقلیتوں کی طرح تحفظ نہیں دیا گیا۔

انڈین سپریم کورٹ نے انسانی سہولیات کی درخواست مسترد کر دی

 واضح رہے کہ گزشتہ کچھ روز سے  آسام سمیت بھارت کی مختلف ریاستوں میں  مسلمان مخالف  ہندو نواز متنازع بل سے متعلق نئے قانون کےخلاف ریلیوں اور مظاہروں کا سلسلہ جاری ہے۔

بھارتی پولیس کی  جانب سے علی گڑھ یونیورسٹی میں طلباءپر تشدد کے بعد نئی دہلی کی جامعہ ملیہ یونیورسٹی کے طلبا ءپربھی تشدد کیا گیا تھا۔

مقامی میڈیا کےمطابق  دہلی میں پولیس گرلزہاسٹل اورجامعہ ملیہ کی مسجد میں بھی گھس گئی،اور پناہ گزین طالبات پرتشدد اوربد سلوکی کی۔اس کے علاوہ بھارتی پولیس کی  جانب سےجامعہ ملیہ کےطلبہ و طالبات کے خلاف رات بھرکریک ڈاؤن کیا گیا تھا۔

بھارتی پولیس نے طلباء پر بدترین تشدد کرتے ہوئے متعدد طلبہ کو زخمی کیا اور کئی طلباءکو گرفتار کر کے لے گئی، جس کے بعد دہلی سمیت مختلف شہروں میں طلبہ نے کلاسز کے بائیکاٹ کا اعلان کر دیا تھا۔

بھارت میں مسلم مخالف بل کے خلاف جاری مظاہروں کے دوران مودی سرکار کی جانب سے بد ترین تشدد کے تناظر میں بھارتی حزب اختلاف جماعت کانگریس  کی جنرل سیکریٹری پریانکا گاندھی نے مودی حکوت  کو بزدل قرار دے دیا تھا۔