کورونا وائرس کے خوف نے لوگوں کو نہ چاہتے ہوئے بھی اپنے پیاروں سے دور رہنے پر مجبور کردیا ہے۔

لوگ اپنے پیاروں کو چاہتے ہوئے بھی چھو نہیں سکتے، ایسا ہی ایک واقعہ بھارت میں جہاں ایک نرس کی جانب سے بیٹی کو چاہتے ہوئے بھی گلے نہ لگا پانے کی ویڈیو نے سب کو رلادیا

بھارتی میڈیا کی  رپورٹ کے مطابق  خاتون نرس گذشتہ کئی روز سے اسپتال کے قرنطینہ سینٹر میں ذمہ داریاں نبھا رہی ہیں۔

قرنطینہ سینٹر میں ہونے کی وجہ سے وہ  خاتون نرس گھر نہیں جا سکتیں جبکہ کورونا وائرس کے خوف کے سبب انہوں نے اپنی بچی اور شوہر کو بھی ہاتھ لگانے اور گلے ملنے سے بھی گریز کیا ہے۔

بیٹی نے جب کئی روز تک ماں کو گھر میں موجود نہیں پایا تو ملنے کی ضد پر والد اسے ملوانے اسپتال لے گیااور اہلیہ کو باہر بلایا۔

خاتون کے اسپتال کے گیٹ کے باہر آتے ہی بچی والدہ سے ملنے کے لیے زار و قطار روتے ہوئے انہیں اپنے پاس بلاتی ہے جبکہ والدہ بھی اپنی کمسن بچی کو روتا دیکھ کر آبدیدہ ہو جاتی ہیں۔

بچی اور اہلیہ کو آبدیدہ دیکھ کر والد بھی اپنے جذبات پر قابو نہیں رکھ پائے جبکہ وہاں موجود افراد بھی اس صورتحال پر رنجیدہ ہوگئے۔