سعودی عرب کے دارالحکومت ریاض میں تفریحی میلے ’’ریاض سیزن‘‘ کا دوسرا ایڈیشن بھی عروج پر ہے۔ یہ تفریحی فیسٹیول سعودی قیادت کے ویژن 2030ء کا ایک اہم حصہ ہے۔
ریاض سیزن 2 میں آنے والے سیاحوں کی تعداد اب تک 11 ملین سے زائد ہو چکی ہے جن میں سے بیرون ملک سے آنے والے سیاحوں کی تعداد 10 لاکھ ہے۔
سبق ویب سائٹ کے مطابق اندرون ملک سے سیاحوں کی تعداد 16 لاکھ جبکہ صرف ریاض سے تعلق رکھنے والے سیاحوں کی تعداد 83 لاکھ ہے۔
سعودی عرب کی جنرل انٹرٹینمنٹ اتھارٹی (جی ای اے) کے سربراہ ترکی آل الشیخ نے کہا ہے کہ ولی عہد شہزادہ محمد بن سلمان کی سرپرستی اور نگرانی میں ہونے والے تفریحی فیسٹیول ریاض سیزن 2 میں اب تک 11 ملین سے زائد سیاح شرکت کرچکے ہیں۔
جنرل انٹرٹینمنٹ اتھارٹی کے سربراہ نے دعویٰ کیا ہے کہ سعودی حکومت 2019ء میں ہوئے ریاض سیزن کے پہلے ایڈیشن سے لے کر حالیہ جاری دوسرے ایڈیشن تک 6 بلین سعودی ریال کا خطیر ریوینیو حاصل کر چکی ہے۔
فیسٹیول انتظامیہ کے مطابق بیرون ملک سے آنے والے سیاحوں نے ریاض سیزن 2 میں خصوصی دلچسپی کا مظاہرہ کیا ہے۔ افتتاحی تقریب میں ساڑھے 7 لاکھ افراد نے شرکت کی تھی۔
ریاض سیزن 2 فیسٹیول کی انتظامیہ کے اعداد و شمار کے مطابق امریکا سے 22532 سیاح آچکے ہیں، برطانیہ سے آنے والے سیاحوں کی تعداد 20104 ہے، فرانس سے 8815، روس سے 8227 جبکہ کینیڈا سے 7332 سیاح آچکے ہیں۔
انتظامیہ نے کہا ہے کہ ریاض سیزن میں ڈیڑھ لاکھ افراد کے لیے روزگار کے مواقع بھی پیدا ہوئے ہیں۔
ریاض سیزن 2 فیسٹیول کا آغاز 20 اکتوبر 2021ء کو ہوا تھا جو رواں برس مارچ کے اختتام تک جاری رہے گا۔ اِس سے قبل ریاض سیزن کا پہلا ایڈیشن اکتوبر 2019ء سے جنوری 2020ء تک منعقد کیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News