پیرس کے مرکز میں فائرنگ کا واقعہ پیش آیا ہے جس کے نتیجے میں دو افراد ہلاک اور چار زخمی ہوگئے ہیں۔
غیر ملکی خبر رساں ادارے کے مطابق پیرس کے مرکز میں فائرنگ کا واقعہ پیش آیا جس میں ملوث 69 سالہ حملہ آور کو گرفتار کرلیا گیا ہے۔
رپورٹ کے مطابق جس گلی میں فائرنگ ہوئی وہاں کرد کمیونٹی کا کلچرل سینٹر اور ریسٹورنٹ موجود ہیں جب کہ قانون نافذ کرنے والے اداروں نے علاقے کو گھیر لیا ہے۔
یہ بھی پڑھیں: آسٹریلیا میں فائرنگ کا واقعہ، 2 پولیس افسران سمیت 6 افراد ہلاک
پیرس زون دس کی میئر الیگزینڈرا جائے وقوعہ پر پہنچ گئی اور شہریوں کو گھروں میں رہنے کی ہدایت جاری کردی گئی ہیں۔
پیرس میٹروپولیٹن کی مییر این ہدالگو نے فائرنگ واقعے کی سخت مذمت کی اور کہا کہ متاثرین کے لیے فوری طور پر نفسیاتی میڈیکل سیل کھولا جارہا ہے۔
فرانسیسی وزیر داخلہ جیرارڈ دارمینین فائرنگ کے واقعے کے بعد پیرس واپس آرہے ہیں اور جائے حادثہ کا دورہ کریں گے۔
یہ بھی پڑھیں: اٹلی کے دارالحکومت روم میں فائرنگ، تین خواتین ہلاک
فرانسیسی وزیر داخلہ نے کہا ہے کہ میری تمام ہمدردیاں متاثرین کے ساتھ ہیں، حملہ آور بھی زخمی ہیں اور اسے اسپتال منتقل کیا جارہا ہے۔
انہوں نے بتایا کہ حملہ آور فرنچ نیشنل ہے اوراس کا نام پہلے سے پولیس کے ریکارڈ میں موجود ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News