مالدیپ کے نو منتخب صدر نے بھارتی فوج کو ملک سے نکل جانے کا حکم دے دیا۔
بین الاقوامی خبرر ساں ادارے کے مطابق نو منتخب صدر ڈاکٹر محمد معیزو نے اپنے ایک بیان میں کہا کہ ہم مالدیپ کی سرزمین پر کسی غیر ملکی فوج کو برداشت نہیں کریں گے۔
ڈاکٹر محمد معیزو نے بھارت کے تمام فوجیوں کو مالدیپ سے فوری طور پر نکل جانے کا حکم دیتے ہوئے کہا کہ میں نے مالدیپ کی عوام سے یہ وعدہ کیا تھا اور میں پہلے دن سے اپنے وعدے پر قائم رہوں گا۔
انہوں نے کہا کہ بھارتی فوجیوں کی موجودگی مالدیپ کو خطرے میں ڈال سکتی ہے۔
برطانوی نشریاتی ادارے کے مطابق نومنتخب صدر نے اپنی جیت کے چند دن بعد بھارتی سفیر سے ملاقات میں یہ حکم دیا۔
مالدیپ طویل عرصے سے بھارت کی غیر ضروری مداخلت کے زیر عتاب رہا ہے۔ مالدیپ کے نومنتخب صدر بھارت کے لیے بڑے خطرے کی علامت ہیں۔
بھارتی فوج کے انخلاء سے مالدیپ پر قبضے کی نیت سے کی گئی بھارتی سرمایہ کاری بھی ضائع ہوجائے گی۔
فروری 2021 میں مالدیپ سے ایک متنازعہ معاہدے کے بعد بھارت نے اپنی فوج مالدیپ میں تعینات کی تھی۔
مالدیپ کی فوج کا کہناہے کہ ملک میں موجود بھارتی طیارے مالدیپ کی جاسوسی کے لیے استعمال ہوتے ہیں۔ ماضی میں بھی بھارت مالدیپ میں من پسند حکومت کے قیام کے لیے سیاسی مداخلت کرتا رہا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News