اسرائیل فلسطین جنگ  میں بچوں ، عورتوں اور معصوم شہریوں سمیت صحافی  برادری بھی نشانہ بن رہی ہے۔

کمیٹی ٹو پروٹیکٹ جرنلسٹس کی ایک رپورٹ کے مطابق  اسرائیل فلسطین جنگ میں اب تک  17 صحافی ہلاک ہو چکے ہیں ۔

کمیٹی ٹو پروٹیکٹ جرنلسٹس کی رپورٹ میں کہا  گیا ہے کہ  صحافی اس تنازعہ کو کور کرنے کے لیے بڑی قربانیاں دے رہے ہیں۔ 8 صحافی زخمی اور تین لاپتہ بھی ہیں۔

کمیٹی ٹو پروٹیکٹ جرنلسٹس کی جانب سے جاری پیغام میں کہا گیا کہ تمام فریقین کو صحافیوں کی حفاظت کو یقینی بنانے کے لیے اقدامات کرنے چاہئیں۔

واضح رہے کہ  غزہ کے ایک اسپتال پر اسرائیلی فوج کی بمباری میں 500 سے زائد فلسطینی شہید اور سیکڑوں زخمی ہوگئے ہیں۔

بین الاقوامی خبر رساں ادارے کے مطابق  فلسطینی وزارت صحت  نے بتایا کہ اسرائیلی طیاروں نے اسپتال کو  نشانہ بنایا جس میں طبی عملہ، مریض اور  پناہ لیے ہوئے عام شہری شہید ہوئے۔

دوسری جانب فلسطینی میڈیا کا کہنا ہے کہ  غزہ اسپتال پر حملے میں شہادتوں کی تعداد  ایک ہزار سے تجاوز کر گئی ہے۔

ترجمان شہری دفاع اسے کھلا  قتل عام  قرار دیتے ہوئے کہا کہ  ہر طرف جسموں کے ٹکڑے ، بچوں اور خواتین کی سربریدہ لاشیں ہیں۔ اس حملے بعد ایسی صورتحال سے نمٹنے کے قابل نہیں ہیں۔

فلسطینی صدر محمود عباس نے اسپتال پر فضائی حملے کے بعد تین روزہ سوگ کا اعلان کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں