عالمی تحقیقی ٹیم نے انکشاف کرتے ہوئے کہا ہے کہ دھوپ کورونا وائرس کے خاتمے کیلئے انتہائی موزوں ہے اور اس سے عالمی وباء کا خاتمہ ہمارے سابقہ اندازوں کے مقابلے میں 8 گنا زیادہ تیزی سے ہوتا ہے۔

ماہرین کی ٹیم نے کہا کہ دھوپ کورونا وائرس کو مارنے میں اہم کردار ادا کرتی ہے تاہم ایسا کیوں ہے؟ اس بارے میں فی الحال کچھ نہیں کہا جاسکتا۔

گزشتہ سال دو الگ الگ تحقیقات سے معلوم ہوا تھا کہ دھوپ میں شامل الٹراوائیلٹ شعاعیں 10 سے 20 منٹ میں کورونا وائرس کا خاتمہ کردیتی ہیں تاہم تازہ مطالعے میں ان دونوں تحقیقات کا آپس میں موازنہ کیا گیا جس کے بعد یہ انکشاف ہوا کہ اصل سے ملتے جلتے مصنوعی حالات میں الٹراوائیلٹ شعاعوں سے کورونا وائرس کا خاتمہ، سابقہ اندازوں کے مقابلے میں 8 گنا تیزی سے ہوا۔

واضح رہے کہ الٹراوائیلٹ شعاعوں کی دو اقسام ہیں: “یو وی اے” اور “یو وی بی”۔ یہ دونوں ہی شعاعیں زمین تک پہنچنے والی دھوپ میں قدرتی طور پر شامل ہوتی ہیں۔

ان دونوں تجربات میں ’’یو وی بی‘‘ شعاعوں کے کورونا وائرس پر اثرات کا جائزہ لیا گیا تھا کیونکہ یہ اپنی وائرس اور جراثیم کش خصوصیات کی بناء پر پہلے ہی مشہور ہیں۔

تازہ مطالعے کے بعد ماہرین کا کہنا ہے کہ دھوپ سے کورونا وائرس کا تیزرفتار خاتمہ ہمارے سابقہ اندازوں کے مقابلے میں 3 تا 8 گنا تیز رفتار ثابت ہوا ہے۔

ماہرین کا کہناہے کہ حالیہ تحقیقات کورونا وائرس پر قابو پانے میں اہم کردار ادا کریں گی۔