دورۂ جنوبی افریقا کے پہلے میچ میں قومی ٹیم نے حریف ٹیم کو 4 وکٹوں سے شکست دیدی ہے۔

تفصیلات کے مطابق جوہانسبرگ میں  کھیلے گئے پہلے ٹی ٹوئنٹی میچ میں میزبان ٹیم کے کپتان ہینرچ کلاسین نے ٹاس جیت کر پہلے بیٹنگ کا فیصلہ کیا۔

Pakistan win the first #SAvPAK T20I by 4 wickets

Scorecard: https://t.co/ot8O8oRMfO

Advertisement

#HarHaalMainCricket #BackTheBoysInGreen pic.twitter.com/q1jBLixx8A

— Pakistan Cricket (@TheRealPCB) April 10, 2021

حریف ٹیم نے پہلے بیٹنگ کرتے ہوئے 6 وکٹوں کے نقصان پر 188 رنز بنائے جس کے جواب میں پاکستان نے محمد رضوان نے شاندار اننگز کی بدولت مطلوبہ ہدف ایک گیند قبل حاصل کیا۔

جنوبی افریقا کی جانب سے مرکرام 51، کپتان ہینرچ کلاسین 50 اور بلجون 34 رنز بنا کر نمایاں رہے جبکہ قومی ٹیم کے محمد نواز اور حسن علی نے 2،2 جب کہ شاہین آفریدی اور حارث رؤف نے ایک ایک وکٹ حاصل کی۔

 پاکستان اسکواڈ میں کپتان بابراعظم ، فخرزمان ، محمد رضوان ، حیدرعلی،محمدنواز ،محمد حفیظ ، فہیم اشرف ، حسن علی ، شاہین شاہ آفریدی ، حارث رؤف اورعثمان قادر نے کھیل میں حصہ لیا۔

 دورۂ جنوبی افریقا میں محمدحفیظ 100 واں ٹی ٹوئنٹی انٹرنیشنل کھیلنے والے دوسرے پاکستانی کرکٹر بن گئے ہیں۔