بیڈ روم صرف رات کو سونے کا ہی کمرہ نہیں ہوتا بلکہ ایسی جگہ ہوتا ہے جہاں ہم گھر میں سب سے زیادہ وقت گزارتے ہیں۔ اس لحاظ سے اس کمرے کو پورے گھر میں آپ کی پسندیدہ ترین جگہ ہونا چاہئے۔

بیڈ روم کو بنائیں اپنا پسندیدہ کمرہ جانئیے چند آسان ٹپس جن سے بیڈروم سجایا جاسکتا ہے۔

فرنیچر

لگژری قسم کے بیڈروم کے لیے َلکڑی کا فرنیچر بہترین ہے لیکن اگر کمرے میں زیادہ جگہ نہیں ہے تو لکڑی کا ہلکا فرنیچر یا پھر راڈ آئرن کا فرنیچر منتخب کریں جو کہ کم جگہ گھیرتا ہے اور اس کے علاوہ صفائی کرنے کے لئے بھی آسان رہتا ہے۔

قالین کے بجائے رگ

پاکستان میں سال کے زیادہ تر مہینے گرم ہوتے ہیں اس لیے کمروں میں قالین رکھنا کوئی عقلمندانہ فیصلہ نہیں بلکہ اس کے بجائے خوبصورت رگ رکھی جائیں تو زیادہ بہتر ہے۔

ہریالی کے لیے ایک کونا مختص کریں

بیڈ روم کے چار میں سے ایک کونے کو صرف پودے رکھنے کے لئے مختص کردیں اس سے کمرے میں پر سکون تاثر ابھرے گا۔

رنگوں کا امتزاج

بڑوں کے بیڈروم میں ہلکے اور ٹھنڈے گہرے رنگ کا امتزاج زیادہ موزوں رہے گا۔

گیلری وال

بیڈ روم کی سائیڈ کی دیواروں پر مختلف سینری یا پھر گھر والوں کی تصاویر کو خوبصورت فریم میں لگا کر سجانے سے کمرہ منفرد لگے گا اور ساتھ ہی آپ کے ذہن و دل پر اچھے اثرات مرتب ہوں گے۔

آرام کرسی

بیڈ کے علاوہ بھی روم میں بیٹھنے کا انتظام ہونا ضروری ہے جہاں آپ بیٹھ کر کتاب پڑھ سکیں یا کوئی مہمان آئے تو بیٹھ سکے۔

روشنی

بنیادی روشنی کے انتظام کے علاوہ نیلی یا سفید چھوٹی چھوٹی لائٹس کمرے میں ڈرامائی تاثر پیدا کریں گی اس کے علاوہ بیڈ روم کے بیچ میں ایک درمیانے سائز کا روشندان بھی اچھا لگے گا۔