انڈے ہمارے روزمرہ کھانوں کا ایک اہم حصہ ہیں ہر گھر میں اس کا کسی نہ کسی وقت لازمی استعمال ہوتا ہے، کھانے کی میز کے اہم اجزاء میں سے ایک ، خاص طور پر ناشتہ ، اور یہ بہت سے کھانوں کی تیاری میں بھی استعمال ہوتا ہے ۔ 

اگر حسن کی حفاظت کی بات کی جائے تو بالوں کے لئے جلد کے لئے بھی انڈوں کا استعمال باقاعدگی سے کیا جاتا ہے، اس سے جھریوں کے بننے کے عمل کو کم کیا جاسکتا ہے۔

یہاں ہم انڈے کی سفیدی کے فوائد پر بات کریں گے۔

جلد کیلئے انڈے کی سفیدی کے فوائد

انڈے کی سفیدی پروٹین اور کولیجن کے بھرپور ذرائع ہیں ، جو جلد کے لیے ضروری غذائی اجزاء ہیں۔

جلد کی ٹائٹننگ:

جب انڈے کی سفیدی چہرے کی جلد پر استعمال ہوتی ہے تو جلد میں سختی کا، ٹائٹننگ کا احساس پیدا ہوتا ہے ، اور یہ احساس چہرے کو دھونے کے بعد بھی برقرار رہتا ہے ، لہذا انڈے کی سفیدی فائن لائنز اور جھریاں کم کرنے میں مدد دیتی ہے ۔

چہرے اور جلد پر انڈے کی سفیدی کے اس اثر کی وجہ سے ، یہ جلد کو ٹائٹ کرنے کے لیے ایک عارضی کاسمیٹک علاج کے طور پر استعمال کیا جا سکتا ہے۔

جلد کوموئسچرائز کرے:

یہ جلد کے لیے انڈے کی سفیدی کے سب سے اہم فوائد میں سے ایک ہے ، کیونکہ انڈے کی سفیدی میں موجود پروٹین جلد کی ہائیڈریشن کو بہتر بنانے کی صلاحیت رکھتے ہیں۔

انہیں جلد کے اندرتک ہائیڈریٹ کرتا ہے ، اور جلد سے پانی اور نمی کے بخارات کو بھی کم کرتا ہے ، جو اسے گہری ہائیڈریشن دیتا ہے۔

ایک انڈے کی سفیدی اور 6 انگوروں کو ان کے بیجوں سمیت بلینڈر میں ڈال کر ماسک تیار کرلیں ، پھر نیچے سے اوپرکی جانب رخ پر یہ ماسک چہرے پر لگائیں، پھر اسے نیم گرم پانی سے ہٹا دیں اور موئسچرائزر لگائیں۔

بلیک اور وائٹ ہیڈز کا خاتمہ:

انڈے کی سفیدی جلد کے مساموں سے اضافی نمی جذب کرتی ہے ، جو اس کے مسام کو بند ہونے سے روکتی ہے ، اور اس کے نتیجے میں ، انڈے کی سفیدی وائٹ ہیڈز کی ظاہری شکل کو کم کرنے اور انہیں نکالنے میں مدد دیتی ہے۔

انڈے کی سفیدی اور تھوڑا سا لیموں کا رس اور شہد سے تیار کردہ ماسک بلیک اینڈ وائٹ ہیڈز کے لئے مفید ہے ، اور تھوڑا سا بیکنگ سوڈا شامل کرسکتے ہیں لیکن یہ آپ کی مرضی پر منحصرہے۔

اس ماسک کوچہرے پر آدھا گھنٹہ لگائیں اور پھر چہرہ دھولیں۔

چہرے کی فوری تازگی اور رونق :

 انڈے کی سفیدی میں موجود پروٹین جلد کے اندر نمی کو جذب کرنے کا کام کرتے ہیں ، اس لیے ہائیڈریشن کا یہ عمل جلد کو اضافی تازگی دیتا ہے ، جس کا مطلب ہے کہ یہ جلد کو بھرتا ہے۔

انڈے کی سفیدی کوچہرہ دھو کر خشک کر کے لگائیں ، اور 10 منٹ کے بعد جب چہرہ خشک ہوجائے تو اچھی طرح دھولیں ۔

مہاسوں سے بچاؤ:

انڈے کی سفیدی  میں بیکٹیریا سے لڑنے کی صلاحیت بھی موجود ہےکیونکہ اس میں ایک پروٹین ہوتا ہے جو بعض اقسام کے بیکٹیریا کو تباہ کرنے کا کام کرتا ہے ،جومہاسوں کا سبب بنتا ہے کیونکہ یہ بیکٹیریا بند خلیوں کی سوزش پر کام کرتے ہیں۔

مردہ خلیوں اور جمع شدہ چربی کی وجہ سے مسام ، جو کہ مہاسوں کا باعث بنتے ہیں۔

ایک نسخہ جو اس کے لیے استعمال کیا جا سکتا ہے وہ یہ ہے کہ ایک انڈے کی سفیدی اور آدھے لیموں کا رس تیار کریں اور چہرے کو نیم گرم پانی سے صاف کرنے کے بعد ماسک لگائیں اور اسے خشک ہونے دیں۔

10 منٹ بعد اسے نیم گرم پانی سے دھو لیں۔ آپ کے چہرے سے کیل مہاسے سب ختم ہو جائیں گے۔