سرد موسم میں جلد کا خشک ہو جانا ایک عام سی بات ہے، جس کی وجہ سے جسم پر خارش کے ساتھ ساتھ ہاتھوں اور پیروں کی جلد بھی پھٹ جاتی ہے۔
ماہرینِ صحت کا کہنا ہےکہ جلد خشک ہونے کی وجہ جسم میں پانی کی مقدار کم ہونا ہے۔
ماہرین کے مطابق عام مشاہدہ ہے کہ سردی کے موسم میں پیاس کی شدت محسوس نہیں ہوتی جس طرح گرمیوں میں کوئی بھی انسان پانی کی طلب محسوس کرتا ہے۔
بہترین گھریلو فیس ماسک کون سے ہیں؟
ہم آپ کے ساتھ تین گھریلو فیس ماسک کی ترکیبیں شیئر کررہے ہیں ، جن پر عمل کرنا انتہائی آسان ہے اور یہ آپ کو سرد موسم میں ہموار اور چمکدار جلد حاصل کرنے میں مدد فراہم کریں گے۔
ایوکاڈو اور شہد کا ماسک:
ایک پکا ہوا ایوکاڈو لیں اور اسے ایک پیالے میں اچھی طرح میش کریں، پیسٹ بن جانے کے بعد، شہد شامل کریں اور دونوں اجزاء کو ایک ساتھ ملائیں۔
پھر بُرش کا استعمال کرتے ہوئے، ماسک کو چہرے پر لگائیں۔ 15 سے 20 منٹ کے بعد جب خشک ہوجائے تو سادے پانی سے دھو لیں۔
دہی اور جو کا ماسک:
سب سے پہلے 1 چمچ جو کو پیس کر موٹا سا پاؤڈر بنا لیں اور اس میں 2 چمچ سادہ دہی شامل کریں۔
دونوں کو ملا کر پیسٹ بنا لیں۔
ماسک لگاتے وقت اس سے اپنے چہرے پر ہلکے سے مساج کریں، پھر پانی سے دھونے سے پہلے اسے 15 منٹ تک منہ پر لگا رہنے دیں۔
کھیرا اور ایلو ویرا کا ماسک:
آدھے کھیرے کو چھلکا اتارے بغیر بڑے ٹکڑوں میں کاٹ کے بلینڈر میں ڈال کر پیس لیں۔
اس کے بعد ایک پیالے میں منتقل کریں اور اس میں 1 چمچ ایلو ویرا جیل شامل کرکے دونوں اجزا کو مکس کریں۔
ماسک کو 15 منٹ تک اپنے چہرے پر لگائیں، جب خشک ہوجائے تو دھولیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News