انجیر ایک لذیذ خشک پھل ہے، جسے موسم سرما میں زیادہ استعمال کیا جاتا ہے، اس میں وٹامنز، معدنیات اور اینٹی آکسیڈنٹس کی مقدار زیادہ ہوتی ہے۔

انجیر اور زیتون کا تیل دونوں ہی انسانی صحت کیلئے بے حد فائدے مند ہیں لیکن آج ہم آپ کو ان کا مختلف استعمال کا طریقہ بتا رہے ہیں۔

اس طریقے پر عمل کر کے چہرے ، بال اور جسم میں مثبت تبدیلی دیکھیں گے۔

نرم والی انجیر کے صرف 3 دانے آدھا کپ زیتون کے تیل میں اچھی طرح ڈبو دیں اور 7 دن کے لئے چھوڑ دیں۔

7 روز گزرنے کے بعد انجیر کو اسی تیل کے ساتھ گرائنڈ کرلیں اور ساتھ میں ایک اخروٹ بھی اچھی طرح ملا لیں۔

چہرے اور بالوں کے لیے

یہ جادوئی آمیزہ چہرے اور بالوں پر لگایا جاسکتا ہے، ایک چمچ آمیزہ لے کر چہرے پر لگائیں اور اسکرب کی طرح ہلکے ہاتھوں سے مل کر تھوڑی دیر بعد چہرہ دھو لیں۔

مرجھایا ہوا چہرہ بھی کھل اٹھے گا۔ اسی طرح اسے بالوں کی جڑوں میں اچھی طرح لگا کر پھر عام شیمپو سے سر دھو لیں۔

 بہترین نتائج کے لئے کم سے کم 2 ہفتے تک روزانہ استعمال کریں۔

کھانے کے فوائد

یہ آمیزہ کھانے میں بھی فائدہ مند ہے، روزانہ ایک چمچ کھانے سے بواسیر کا مرض جاتا رہتا ہے اس کے علاوہ معدہ اور آنتوں میں جلن کا خاتمہ ہوتا ہے۔

یہ بھی پڑھیں: وہ عام پانچ غلطیاں جو زیتون کا تیل استعمال کرتے ہوئے کی جاتی ہیں