بیسن کا نام سنتے ہی ہمارے ذہن میں چٹ پٹے پکوڑے اور دہی بیسن کے ملاپ سے تیار کی گئی کڑہی کا خیال آجاتا ہے۔

بیسن ہمارے کچن میں استعمال ہونے والی عام چیز ہے۔

 جلد کی خوبصورتی کے لئے بیسن کی اہمیت انتہائی حد تک ہے کیونکہ بیسن ہمارے حسن میں چار چاند لگا دیتا ہے۔

اپنی جلد کو بیسن کی خوبیوں سے سنواریں اور پائیں ایسی خوبصورتی کے ہر کوئی دیوانہ ہوجائے۔

بیسن خاص طور پر جلد کو گہرائی تک صاف کرنے اور ایکسفولیٹر کا کام کرتا ہے۔

دو چمچ بیسن میں ایک چمچ دودھ ڈال کر اچھی طرح چہرے پر لیپ لگائیں اور سوکھنے پر رگڑ رگڑ کر چہرہ صاف کرلیں۔

بیسن پمپلز کے علاج کے لئے نہایت موزوں سمجھا جاتا ہے جلد کی گہری رنگت کو صاف کرنے اور جلد پر ماحولیاتی آلودگی کے باعث مٹی گرد، ٹریفک کا دھواں اور جمے ہوئے میل کچیل کو جلد سے صاف کرنے کی تمام خصوصیات اس میں موجود ہیں۔

تین چمچ بیسن، ایک چمچ چینی، نمک اور ایلوویرا کا جل ملائیں اور چہرے پر لگاکر خوب مساج کریں تاکہ میل نکل جائے۔

دو چمچ بیسن میں ایک چمچ شہد، ایک چمچ دار چینی پاؤڈر، ایک چمچ ناریل کا تیل اور لیموں کا رس شامل کر کے پیسٹ بنائیں اور چہرے پر لگا لیں۔

سوکھنے پر پانی سے دھو لیں اور عرقِ گلاب کا اسپرے کرلیں۔

یہ فیشل واقعی کارآمد ہے لیکن آپ اس کے مثبت نتائج چاہتی ہیں تو اس کا استعمال روزانہ کریں اس سے واضح فرق نظر آئے گا۔

نوٹ

بیسن کو اپنی جلد پر استعمال کرنے سے پہلے اس بات کی مکمل یقین دہانی کر لیں کہ بیسن باسی یا پرانا نہ ہو، ہمیشہ تازہ باریک پسا ہوا بیسن استعمال کریں۔ ورنہ آپ کی جلد پر خراشیں ڈال کر آپ کو مزید الجھن و پریشانی میں مبتلا کر سکتا ہے۔