یہ حیران کن خبر چین سے آئی ہے جہاں ایک خاتون محض گانے سننے کی وجہ سے قوت سماعت سے مستقل طور پر محروم ہوگئی ہیں۔ واضح رہے کہ یہ چینی خاتون مسلسل دو سال تک ہر رات ہیڈ فون پر موسیقی سنتی تھی۔

چین کے صوبے شیڈونگ  سے تعلق رکھنے والی خاتون جن کا نام وانگ ہے اور جو ایک مقامی فرم میں سیکرٹری کے فرائض انجام دیں رہی ہیں، انہیں کم سماعت کا احساس اس وقت ہوا جب ان کے سپر وائزر نے انہیں سرگوشی میں کچھ کہا لیکن  وہ یہ سننے سے قاصر رہی جس پر انہوں نے کان کے معائنے کے لیے اسپتال کا رخ کیا۔

اسپتال میں ایک مکمل معائنہ کے بعد یہ بات سامنے آئی کہ وانگ کا بایاں کان سننے کی صلاحیت سے محروم ہوگیا ہے جب ڈاکٹر نے  اس حوالے سے پوچھا کہ انہوں نے کسی صدمے کا سامنا کیا ہے یا کوئی چوٹ لگی ہے جس پر انہوں نے کہا کہ وہ روزانہ رات میں ہیڈفونز پر موسقی لگا کر سو جاتی ہیں اور یہ سلسلہ گزشتہ دو برس سے جاری ہے، اگر چہ موسیقی کی آواز زیادہ تیز نہیں تھی تاہم طویل عرصے تک کانوں کو شور کا سامنا کرنے پر یہ مستقل نقصان سامنے آیا ہے۔

اسپتال کے شعبہ اوٹولرینگولوجی کے ڈائریکٹر لی تاؤ کا کہنا ہے کہ محترمہ وانگ کی قوت سماعت سے محروم ہونے کا امکان زیادہ تر اس موسیقی کی وجہ سے ہوا ہے جو وہ ہر رات سنتی تھیں۔ اگرچہ آواز بہت زیادہ نہیں تھی، تاہم کانوں کو طویل عرصے تک شور سنانا مستقل سماعت کے نقصان کا باعث بنا۔

خوش قسمتی یہ ہے کہ وانگ کا صرف بایاں کان ہی متاثر ہوا ہے اور یہ نقصان اتنا کم ہے کہ اسے ہیرنگ ایڈ کے ذریعے پورا کیا جاسکتا ہے۔

اسی طرح کے مسائل سے بچنے کے لیے ڈاکٹر تمام افراد کو تین “60” کے اصول پر عمل کرنے کا مشورہ دیتے ہیں، یعنی اپنے کانوں کو 60 ڈیسیبل سے زیادہ آواز سے دور رکھیں اور زیادہ دیر تک سننے سے گریز کریں۔

ہیڈ فون نہ لگائیں یا 60 منٹ سے زیادہ اونچی آواز میں میوزک نہ سنیں، اور الیکٹرانکس کا استعمال کرتے وقت، آواز کو شدت کو 60 فیصد سے کم رکھنے کی کوشش کریں ۔