فوجی عدالتوں سے متعلق کیس کی سماعت کا تحریری حکم نامہ جاری

ویب ڈیسک

30th Mar, 2024. 01:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فوجی عدالتوں سے متعلق کیس کی سماعت کا تحریری حکم نامہ جاری

سپریم کورٹ نے فوجی عدالتوں سے متعلق کیس کی سماعت کا تحریری حکم نامہ جاری کردیا۔

حکم نامے میں کہا گیا ہے کہ خیبرپختونخوا حکومت کی جانب سے دائرانٹراکورٹ اپیلیں واپس لینے کی بنیاد پر خارج کی ہیں۔ اٹارنی جنرل کے مطابق فوجی تحویل میں 105 ملزمان موجود ہیں۔

سپریم کورٹ نے حکم نامے میں کہا کہ اٹارنی جنرل کے مطابق 15 سے 20 ملزمان کے کیسز بریت یا کم سزا کے ہیں، اٹارنی جنرل نے یقین دہانی کرائی کہ کم سزا والے ملزمان کو رعایت دیکر رہا کر دیا جائے گا، تمام فریقین کی رضامندی سے فوجی عدالتوں کو فیصلے سنانے کی اجازت دی جاتی ہے۔

حکم نامے میں یہ بھی کہا گیا کہ فوجی عدالتوں کے فیصلے سپریم کورٹ میں زیرالتوا اپیلوں کے فیصلے سے مشروط ہونگے، اٹارنی جنرل رہا ہونے والے ملزمان کی تفصیلات آئندہ سماعت تک جمع کرائیں۔

سپریم کورٹ نے حکم نامے میں کہا کہ فوجی عدالتوں کے کیس کی آئندہ سماعت اپریل کے آخری ہفتے میں بنچ کی دستیابی پرہوگی۔