پاکستانی شوبز انڈسٹری کی معروف اداکارہ ماہرہ خان کی لندن میں منعقدہ برٹش ایشین ٹرسٹ کے سالانہ عشائیے میں برطانیہ کے شاہ چارلس سے ملاقات ہوئی جس کی ویڈیوز سوشل میڈیا پر توجہ حاصل کر رہی ہیں۔
سوشل میڈیا پر وائرل ہونے والی ویڈیوز میں ماہرہ خان کو شاہ چارلس کے ساتھ خوشگوار ماحول میں گفتگو کرتے ہوئے دیکھا جا سکتا ہے۔
دونوں شخصیات کے درمیان ہونے والی ملاقات کو صارفین کی جانب سے خاصی دلچسپی سے دیکھا جا رہا ہے۔
View this post on Instagram
تقریب کے بعد میڈیا سے گفتگو کرتے ہوئے ماہرہ خان نے بتایا کہ شاہ چارلس کو ٹرسٹ کے مختلف منصوبوں اور سرگرمیوں میں گہری دلچسپی تھی، انہوں نے میرے کام کی پیش رفت کے حوالے سے سوالات کیے اور یہ جان کر خوشی ہوئی کہ وہ ٹرسٹ کے لیے میری خدمات سے بھی آگاہ تھے۔
اداکارہ نے مزید کہا کہ یہ ملاقات میرے لیے ایک خوشگوار اور یادگار تجربہ رہی جبکہ سماجی فلاح کے شعبے میں برٹش ایشین ٹرسٹ کی کاوشیں بھی قابلِ ستائش ہیں۔
