ایک نئی تحقیق میں بتایا گیا ہے کہ برطانوی سونے کو بطور کرنسی کے استعمال نہیں کرتے تھے۔ تحقیق میں اس قیمتی دھات سے بنی اس دور کی تمام اشیاء کا جائزہ لیا گیا جس کا وزن مختلف تھا۔
جرمنی کی جارج آگسٹ یونیورسٹی گوٹِنجین میں 800 سے زائد سونے کے ٹکڑوں کا تجزیہ کیا گیا اور وزن کی باقاعدگی کے کوئی شواہد نہیں پائے گئے۔
یورپ کی قدیم آبادی وزن کے لیے پیمائشوں کو استعمال کرتی تھی۔ انہوں نے بالکل آج کی طرح وزن کے لیے اکائیوں کا تعین کیا ہوا تھا تاکہ وزن کی پیمائش کی جاسکے۔
لیکن اینٹیکوئٹی نامی جرنل میں شائع ہونے والی نئی تحقیق میں بتایا گیا کہ سونا ان پیمائشوں کا حصہ نہیں تھا اور اس بات کو خارج الامکان قرار دیا کہ وہ برطانیہ میں کبھی بطور کرنسی استعمال کیا جاتا ہو۔
ڈاکٹر رافیال ہرمن کا کہنا تھا کہ ہم جانتے ہیں کانسی کے دور کے برطانیہ میں چیزوں کی پیمائش کے لیے وزن کا طریقہ موجود تھا۔ جس کا ثبوت یہ ہے کہ انگلینڈ میں پوٹرن اور کلِف اینڈ فارم میں وزن کے بٹّے اور ترازو کے بیم دریافت ہوئے ہیں۔
انہوں نے مزید کہا کہ کانسی کے دور کے برطانیہ میں وزن اور پیمائش کے طریقہ کار کے موجود ہونے اور سونے کے پُر کشش ہونے کے باوجود اس قیمتی دھات سے بنی اشیاء کو وزن کے طور پر استعمال نہیں کیا جاتا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News