غلط آرڈر موصول ہونے پر خاتون نے ریسٹورنٹ کے خلاف مقدمہ کردیا

ویب ڈیسک

09th May, 2024. 06:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غلط آرڈر موصول ہونے پر خاتون نے ریسٹورنٹ کے خلاف مقدمہ کردیا

پنیر سینڈوچ کے آرڈر کی جگہ چکن سینڈوچ آنے پر خاتون نے ریسٹورنٹ کے خلاف مقدمہ کر دیا ہے۔

بھارتی میڈیا رپورٹس کے مطابق خاتون نے احمد آباد میونسپل کارپوریشن کے ڈپٹی ہیلتھ آفیسر کو خط لکھ کر ریسٹورنٹ کے خلاف شکایت درج کرائی ہے۔

خاتون نے بتایا کہ اس نے ایک فوڈ ڈیلیوری ایپ کی مدد سے پنیر سینڈوچ کا آرڈر دیا تھا لیکن ریسٹورنٹ کی جانب سے اسے چکن سینڈوچ بھیج دیا گیا۔

گوشت نہ کھانے والی خاتون نے ریسٹورنٹ کے خلاف مقدمہ کرکے 50 لاکھ روپے ہرجانے کا دعویٰ بھی کیا۔

تاہم اس غلطی پر فوڈ ڈپارٹمنٹ نے ریسٹورنٹ پر 5 ہزار روپے کا جرمانہ کردیا لیکن خاتون کا کہنا ہے کہ یہ بہت بھاری نقصان ہے جس کی تلافی نہیں ہو سکتی، 5 ہزار کا ہرجانہ کافی نہیں اور وہ اس حوالے سے کنزیومر کورٹ جائیں گی۔