بالوں پر رنگ کروانا شہری کو مہنگا پڑگیا

ویب ڈیسک

04th May, 2024. 03:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بالوں پر رنگ کروانا شہری کو مہنگا پڑگیا

روسی شہری کو بالوں پر رنگ کروانا مہنگا پڑگیا ہے۔

غیر ملکی میڈیا رپورٹس کے مطابق دارالحکومت ماسکو سے تعلق رکھنے والے اسٹینسلاو نیٹیسوف نامی شہری پر حال ہی میں 50,000 روبلز (543 ڈالرز) کا جرمانہ عائد کیا گیا کیونکہ اس نے اپنے بالوں کو یوکرینی جھنڈے کے مشابہ رنگ میں ڈائی کرایا تھا۔

رپورٹ میں بتایا گیا کہ واقعے کی شروعات اس وقت ہوئی جب اسٹینسلاو پر ماسکو میں ایک بس اسٹاپ پر نامعلوم افراد نے حملہ کیا جس کے نتیجے میں ان کا دانٹ ٹوٹ گیا اور حملہ آور ان کا فون بھی چوری کر کے لے گئے۔

تاہم اگلے دن جب وہ حملہ آوروں کی اطلاع دینے کے لیے ضلع Tverskoy کی مقامی وزارت داخلہ میں گئے تو وہاں حکام نے بجائے ان کی مدد کرنے کے ان کے بالوں کو ناپسندیدگی کی نگاہ سے دیکھنے لگ گئے۔

اسٹینسلاو نے اپنے بالوں کو پیلے، نیلے اور سبز رنگ میں رنگا ہوا تھا جو کہ روسی سیکورٹی اداروں کے نزدیک یوکرین کی علامت اور ایک جرم ہے جو کہ قابلِ سزا ہے۔

اسٹینسلاو کو سیکورٹی اداروں سے حملہ آوروں کے حوالے سے مدد تو نہ مل سکی تاہم ان پر بالوں کے رنگ کی وجہ سے 50,000 روبلز (543) ڈالرز جرمانہ عائد کردیا گیا ہے۔