سڑک پر تاجر کے ہاتھوں سے ہیرے کا پیکٹ کیا گرا کہ انھیں تلاش کرنے کے لیے لوگوں کا جم غفیر جمع ہوگیا، واقعے کی ویڈیو سوشل میڈیا پر وائرل ہورہی ہے۔
بھارتی ریاست گجرات میں اس وقت عجیب و غریب صورتحال دیکھنے میں آئی جب لوگوں کو پتا چلا کہ ایک تاجر کا ہیروں سے بھرا پیکٹ سڑک پر گر گیا ہے۔
آس پاس موجود سب لوگ ان ہیروں کو پالینے کی چاہت میں سڑک پر اسے دیوانوں کی طرح ڈھونتے رہے۔
سورت میں واقع ورچہ کے علاقے میں ہیروں کی خرید و فروخت کی جاتی ہے۔ وہاں غلطی سے ایک تاجر کا ہیروں کا پیکٹ سڑک پر گر پڑا۔
جس شخص کو بھی اطلاع ملی وہ اس سڑک پر ہیرے ڈھونڈنے پہنچ گیا تاکہ اس کے ہاتھ بھی قیمتی ہیرے لگے اور وہ امیر ہوجائے۔
مقامی میڈیا کے مطابق سڑک پر ہیروں کو تلاش کرتے ہوئے لوگ مٹی بھی اٹھاتے دیکھے گئے جب کہ اس دوران رش کی وجہ سے وہاں ٹریفک بھی جام ہوگیا۔
ارون نامی شخص ایک ہیرا ڈھونڈنے میں کامیاب ہوگیا مگر وہ نقلی ہیرا نکلا جسے امریکی ڈائمنڈ کہا جاتا ہے۔ بعد میں معلوم ہوا کہ جس تاجر کے ہیروں کا پیکٹ گرا دراصل وہ نقلی ہیرے تھے جو کہ آرٹیفیشل جیولری میں استعمال ہوتے ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News