یہ دلچسپ خبر ابھرتے ہوئے سورج کی سر زمین جاپان سے آئی ہے، جہاإں ٹوکیوں کے اندر ایک نیا کیفے یا ریستوران کھولا گیا ہے اس ریستوران میں بطور خاص ان افراد کو خوش آمدید کہا جاتا ہے جو منفی سوچ رکھتے ہیں، مایوس ہیں اور زندگی سے اکتائے ہوئے ہیں۔
واضح رہے کہ اس کیفے کا نام موری اوچی ہے جو ٹوکیو کے ضلعے شیمو کیٹازاوا کے اندرکھولا گیا ہے۔ یہ تندوتاریک کیفے ان ہی افراد کے لیے بنایا گیا ہے جو منفی سوچ رکھتے ہیں اور مایوسی سے پریشان ہیں اور زندگی سے بھی بد دل ہوچکے ہیں۔
اس کیفے کے مالک کا یہ کہنا ہے کہ وہ خود بھی منفی سوچ رکھتے ہیں اور دن کے غالب حصے میں انہیں مایوسی کے دورے پڑتے ہیں یہی وجہ ہے کہ ان کے ذہن میں خیال آیا کہ کیوں نہ ہم خیال اور ان کے جیسے دیگر افراد کے لیے بھی ایک کیفے کھولا جائے یہی وجہ ہے کہ انہوں نے دن رات کی محنت کے بعد یہ ریستوران کھولا ہے اوروہ اس ہوٹل کو کھولنے کے بعد دنیا کو بتانا چاہتا ہیں کہ منفی سوچ رکھنا یا ڈپریشن کے اندر ہونا یا زندگی کا لطف نہ لینے والے افراد بھی انسان ہوتے ہیں اور انہیں آپ کی توجہ کی ضرورت ہوتی ہے عموماً جاپانی معاشرے کی تیز رفتار اورجدید طرز زندگی کے باعث ایسے افراد کو اپنے سے دور رکھا جاتا ہے دھتکارہ جاتا ہے اور بہت اچھا تصور نہیں کیاجاتا ہے۔
اس ریستوران کے مالک کا مزید یہ بھی کہنا ہے کہ ایسے افراد بہت حساس ہوتے ہیں اور انہیں ہر لمحے انسانی محبت، انسانی محفل کی ضرورت ہوتی ہے یہی وجہ ہے کہ ایسے لوگوں کے مل بیٹھنے کے لیے انہوں نے یہ ہوٹل بنایا ہے، اور توقع ہے کہ اس طرح سے ان کی کیفیت کو دور کرنے میں بھی مدد ملے گی۔
انہوں نے یہ بھی بتایا کہ گزشتہ دس برس سے وہ اس کے قیام کے بارے میں سوچ رہے تھے کیونکہ وہ ڈپریشن کے دیرینہ مریض ہیں لیکن اسی دوران کووڈ 19 کی وبا آگئی اور اس وجہ سے ان کا خواب شرمندہ تعبیر نہیں ہوسکا رتاہم اب انہوں نے اسے تین سال پہلے قائم کیا ہے اوراب یہ مکمل ہوچکا ہے اورموجود ہے۔
انہوں نے یہ بھی کہا کہ اس ریستوران کے اندر بعض کمرے ایسے بھی ہیں جن کے اندر صرف ایک شخص چار دیواری کے اندر بیٹھ کر چائے یا کافی پی سکتاہے کھانا کھا سکتا ہے اور اسے کوئی خطرہ نہیں ہوتا کہ لوگ اسے دیکھ رہے ہیں یا اس کا مذاق ارارہے ہیں یا اسے گھور رہے ہیں، یوں وہ بہت اطمینان اور طمانیت سے اپنا وقت یہاں گزارسکتا ہے، اس کے علاوہ ہم خیال لوگوں کے لیے مل بیٹھنے کا موقع بھی ہے تاکہ وہ ایک دوسرے کے تجربات سے فائدہ اٹھائیں۔ ہوٹل کے مالک کہنا ہے کہ مایوس ہونا منفی سوچ یا منفی خیالات کا غالب آنا کوئی عیب نہیں ہے اوروہ اس ہوٹل سے یہی تاثر دینا چاہتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News