بھارت سے سامنے آنے والی ایک غیر معمولی ویڈیو نے سوشل میڈیا صارفین کو حیرت میں مبتلا کر دیا جس میں چند ہندو سادھو اور بابا اسرائیلی وزیرِاعظم نیتن یاہو کی تصویر کے سامنے مذہبی رسومات ادا کرتے دکھائی دے رہے ہیں۔

وائرل ویڈیو کو سوشل میڈیا پلیٹ فارم ایکس پر ایک غیر ملکی صارف نے شیئر کیا جس کے بعد یہ دیکھتے ہی دیکھتے مختلف ممالک میں زیرِ بحث آ گئی۔ ویڈیو میں دو ہندو پنڈت نیتن یاہو کی تصویر کے گرد جمع ہو کر پوجا پاٹ اور عبادت نما رسومات انجام دیتے نظر آتے ہیں۔

Just when I think Indians can’t get any more ridiculous, I find out that there are sects that literally worship Netanyahu.
They even put a dot on him🤣🤣 pic.twitter.com/cNRhWoJ9lp

— Gabriel 🌩️ (@Countcristo44) June 10, 2026

ویڈیو شیئر کرنے والے صارف نے طنزیہ انداز میں لکھا کہ جب بھی لگتا ہے کہ بھارت میں اب مزید کوئی حیران کن چیز سامنے نہیں آئے گی تب ہی کوئی نیا منظر سب کو چونکا دیتا ہے۔

میڈیا رپورٹس کے مطابق بھارت میں بعض مذہبی یا نظریاتی گروہ اسرائیل کے لیے غیر معمولی عقیدت رکھتے ہیں جبکہ وائرل ویڈیو کے حوالے سے دعویٰ کیا جا رہا ہے کہ اس میں نظر آنے والے افراد بھی ایسے ہی ایک فرقے سے تعلق رکھتے ہیں جو نیتن یاہو کو غیر معمولی احترام کی نگاہ سے دیکھتے ہیں۔

تاہم ویڈیو کے مقام، وقت اور اس میں شامل افراد کی شناخت کے بارے میں تاحال کوئی باضابطہ تصدیق سامنے نہیں آئی۔ سوشل میڈیا پر صارفین اس ویڈیو پر ملے جلے ردِعمل کا اظہار کر رہے ہیں، جہاں کچھ لوگ اسے حیران کن قرار دے رہے ہیں تو بعض اسے محض تشہیری یا علامتی سرگرمی قرار دے رہے ہیں۔

وائرل ویڈیو نے ایک بار پھر یہ بحث چھیڑ دی ہے کہ سوشل میڈیا کے دور میں غیر روایتی اور حیرت انگیز مناظر کس تیزی سے عالمی توجہ حاصل کر لیتے ہیں۔