مرکزی تنظیم تاجران پاکستان کاشف چوہدری نے وزیر اعظم عمران خان کے نام خط لکھ دیا۔

تفصیلات کے مطابق خط میں وزیر اعظم  سے درخواست کی ہے کہ درمیانے اور چھوٹے درجے کے تاجروں کو درپیش مسائل کے حل کیلئے اقدامات کیے جائیں جبکہ حکومت درمیانے درجے کے تاجر کو بے مقصد سیلز ٹیکس رجسٹریشن سے چھٹکارا دے۔

خط کے متن میں تاجروں نے اپیل کی کہ حکومت تاجروں کیلئے ودد ہولڈنگ ایجنٹ بننے کے قانون کا خاتمہ کرے اور حکومت تاجروں پر لگائے 1.5 فیصد ٹرن آؤٹ ٹیکس کو 0.25فیصد کرے۔

خط میں مزید لکھا گیا کہ حکومت تاجروں کی سالانہ ایک پر مناسب شرح کا فکس ٹیکس لگائے حکومت چھ سالوں کی پوچھ گچھ سے درمیانے اور چھوٹے درجے کے تاجروں کو استثناء دے جبکہ حکومت درمیانے اور چھوٹے تاجروں کیلئے کمشنر کی سطح پر لوکل تاجر نمائندوں پر مشتمل کمیٹیاں تشکیل دے تاکہ کمیٹیاں ٹرن اوور، تنازعات کو کمیٹیوں کے ذریعے حل کرے۔

 حکومت اسکیم میں آنے والے تاجروں کے ظاہر کردہ اثاثہ جات اور کاروباری سرمایہ کو بغیر جرمانہ تسلیم کرے، اگر حکومت ان مطالبات کو حل کرتی ہے تو ملک گیر ہڑتال کی کال واپس لے سکتے ہیں۔