مالی سال کےپہلے5ماہ میں ادویات کی برآمدات میں 8.66فیصداضافہ ہوا
مالی سال 2019-20 کے 5 ماہ میں دواسازی کی اشیا کی برآمد میں 8 فیصد سے زیادہ اضافہ ہوا ہے
مالی سال (2019-20) کے پہلے پانچ ماہ کےدوران دواسازی کی مصنوعات کی برآمدات میں گذشتہ سال کے اسی عرصے کی برآمدات کے مقابلہ میں 8.66 فیصد اضافہ ہواہے.
پاکستان بیوروآف شماریات (پی بی ایس) کے مطابق جولائی تا نومبر (2019-20) کے دوران دواسازی کی برآمدات 92.714 ملین ریکارڈ کی گئیں جبکہ جولائی تا نومبر (2018-19) کے دوران 85.323 ملین ڈالر کی برآمدات ریکارڈ کی گئیں ۔
اعدادوشمارکےمطابق مقدارکےلحاظ سےدواسازی کی اشیا کی برآمدات 20.84 فیصداضافےسے 4،865 میٹرک ٹن سےبڑھ کر 5،879 میٹرک ٹن ہوگئیں۔ جبکہ دواسازی کی برآمدات میں گزشتہ سال کےاسی عرصےکےمقابلےمیں نومبر 2019 کےمہینے میں 34.01 فیصد کااضافہ ہواہے۔
پاکستان سے کینو کی برآمدات کا آغاز ہوگیا ہے
اعدادوشمارکےمطابق،نومبر 2019 میں دواسازی کی برآمدات نومبر 2018 میں 14.515 ملین امریکی ڈالر کی برآمدات کے مقابلے میں 19.586 ملین امریکی ڈالر ریکارڈ کی گئیں۔جبکہ صرف نومبر 2019 میں دواسازی کی مصنوعات کی برآمدات میں بھی 11.85 فیصد کااضافہ ہواہے ۔
یہاں یہ بات قابل ذکرہےکہ گز شتہ سال کےاسی عرصےکےخسارےکےمقابلےمیں رواں مالی سال (2019۔20) کےپہلےپانچ مہینوں کے دوران ملک کا تجارتی خسارہ 33.04 فیصد کم ہوا۔اعداد و شمار کے مطابق ، جولائی تا نومبر (2019-20) کےدوران تجارتی خسارہ 9.668 بلین امریکی ڈالر ریکارڈ کیا گیا ، جو جولائی تا نومبر (2018-19) کے دوران 14.439 بلین امریکی ڈالر کا خسارہ تھا۔
رواں مالی سال کےدوران برآمدات 4.79 فیصداضافہ دیکھاگیاہے۔ جس میں گز شتہ سال کےدوران 9.109 بلین امریکی ڈالرسےبڑھ کر 9.545 بلین امریکی ڈالرکااضافہ ہواہے ۔ دوسری جانب،رواں مالی سال کے دوران ملک میں درآمدات میں 18.41 فیصد کی کمی واقع ہوئی ہےجوگزشتہ سال 23.54 بلین امریکی ڈالرسےکم ہوکر 19.213 بلین امریکی ڈالررہی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News