سالِ نو کےآغازکےساتھ ہی مقامی سطح پرسونے کی قیمتوں میں ریکارڈاضافہ ہواہے ۔ فی تولہ سونے کی قیمت 90 ہزار 8 سو روپے اور دس گرام سونے کی قیمت 77 ہزار 8 سو 46 ہزار تک پہنچ گئی۔

سالِ نوکےپہلےہفتےسونےکی قیمت میں ایک ہی دن میں 1 ہزار 150 روپےجبکہ 10 گرام سونےکی قیمت میں 986 روپےاضافہ ہوا۔

گزشتہ سال اگست میں فی تولہ سونےکی قیمت 90 ہزارایک سو 50 جبکہ دس گرام سونےکی قیمت 77 ہزار 2 سو 89 تک پہنچ گئی    تھی جبکہ عالمی سطح پرسونےکی قیمت ایک ہزار 5 سو46 ڈالرتک پہنچ گئی تھی۔

آل سندھ صرافہ جیولرز ایسوسی ایشن نے جمعے کے مقابلے میں گزشتہ روز عالمی سطح پر سونے کی قیمت ایک ڈالر اضافے کے بعد ایک ہزار 5 سو 52 ڈالر فی اونس تک پہنچنے کے باوجود پہلے ایک تولہ سونے کی قیمت ساڑھے 5 سو روپے اضافے کے بعد 90 ہزار 2 سوروپے اور 10 گرام سونے کی قیمت 4 سو 72 روپے اضافے کے بعد 77 ہزار 3 سو 32 روپے جاری کی تھی۔

تاہم ایک گھنٹےکے بعد آل سندھ صرافہ جیولرز ایسوسی ایشن نے عالمی مارکیٹ کے ایک ہزار 5 سو 52 ڈالر فی اونس کی بنیاد ہی پر  فی تولہ سونےکی قیمت میں 600 روپے اور 10 گرام سونے کی قیمت میں 5 سو14 روپے کے اضافے کے ساتھ نئی قیمتیں جاری کی تھیں۔

فی تولہ سونے کی قیمت میں 500 روپے اضافہ

جس کےنتیجےمیں صرف ایک دن میں  فی تولہ سونےکی قیمت میں دوبار اضافہ کیاگیاہے ۔ جس میں ایک ہزار 150 روپے جبکہ 10 گرام سونے کی قیمت میں 986 روپے اضافہ ہوا۔

یکم جنوری 2019 سے لے کر گزشتہ روز تک  فی   تولہ سونے کی قیمت میں 23 ہزار روپے جبکہ 10 گرام سونے کی قیمت میں 19 ہزار 7 سو 18 روپے اضافہ ہوا اور اسی عرصے میں عالمی مارکیٹ میں سونے کی قیمت 2 سو 69 ڈالر فی اونس تک پہنچ گئی تھی۔

آل سندھ صرافہ جیولرز ایسوسی ایشن کے صدرحاجی ہارون رشید چند نےعالمی سطح پرسونےکی قیمت میں حالیہ اضافےکوایران اور امریکا کے درمیان کشیدگی میں اضافے سے منسوب کیا۔