وزیر اعظم عمران خان کی جانب سے آج چھوٹا کاروبار امدادی پیکج کا اعلان کی جائیگا۔

تفصیلات کے مطابق وفاقی حکومت کی رضامندی کے ساتھ وزیراعظم عمران خان آج چھوٹا کاروبار امدادی پیکج کا باقاعدہ اعلان کریںگے۔

چھوٹا کاروبار امدادی پیکج کے لئے وفاقی حکومت 50 ارب روپے مختص کرے گی جبکہ کاروباری پیکج کے تحت حکومت کمرشل اور صنعتی یونٹس کے 3 ماہ کے بجلی بل خود ادا کرے گی۔

اعلان کئے جانے والے پیکج میں تین ماہ کے بجلی بل کی تخمینہ رقم چھوٹا کاروبار کرنے والے کے بل میں بھیج دی جائے گی جبکہ چھوٹا کاروبار کرنے والے چھ ماہ کے اندر رقم کے مطابق بجلی مفت استعمال کرسکیں گے ۔

5 کلو واٹ بجلی استعمال کرنے والے 95 فیصد کمرشل بینکوں کنکشن ہولڈر مستفید ہوں گے جبکہ70 کلو واٹ والے 80 فیصد صنعتی کنکشن ہولڈر، مسفید، ہوں گے۔

پیکج سے ملک بھر میں 33 لاکھ چھوٹے یونٹس چلانے والے مستفید ہوں گے  اور مئی کے بل میں تفصیلات ساتھ آئیں گی ۔
کورونا ریلیف فنڈ مزدور کا احساس پروگرام بھی ساتھ ہی شروع ہوجائے گا جس میں مخیر حضرات 1 روپے دیں گے،حکومت ساتھ 4 روپے فنڈ میں جمع کرے گی۔
مزدور کا احساس پروگرام کے تحت لاکھوں بیروگار، دیہاڑی دار مستفید ہوں گے۔

عمران خان کا روسی ہم منصب کے نام پیغام

یاد رہے کہ اس سے قبل گذشتہ ہفتے بروز 26 اپریل، 2020 کو وفاقی وزیر حماد اظہر نے اپنے ٹوئٹ میں کہا ہے کہ وزارت صنعت و پیداوار کل ای سی سی میں “چھوٹا کاروبار امدادی پیکج” کا پہلا فیز پیش کرے گی جبکہ ای سی سی اور کیبنٹ سے منظور ہونے کے بعد لاکھوں چھوٹے کاروبار اور صنعتیں اس پیکج سے مستفید ہو سکیں گی۔

Advertisement

وزارت صنعت و پیداوار کل ای سی سی میں "چھوٹا کاروبار امدادی پیکج" کا پہلا فیز پیش کرے گی۔
ای سی سی اور کیبنٹ سے منظور ہونے کے بعد لاکھوں چھوٹے کاروبار اور صنعتیں اس پیکج سے مستفید ہو سکیں گی۔ ۱/۲

— Hammad Azhar (@Hammad_Azhar) April 26, 2020

انہوں نے بتایا کہ ‏ریلیف پیکج کے دوسرے مرحلے میں چھوٹے اور درمیانے درجے کے کاروباروں کے لیے آسان قرضوں کی فراہمی بھی زیرِ غور ہے اور اگلے مرحلے میں کورونا وائرس سے شدید متاثر ہونے والے شعبہ جات کے لیے ترجیحی بنیادوں پر ریلیف اقدامات بھی اٹھائے جائیں گے۔