رواں مالی سال کے پہلے 6 ماہ کے دوران پیٹرولیم مصنوعات کی درآمدات میں 113 فیصد اضافہ دیکھا گیا ہے۔
وفاقی ادارہ شماریات کے اعداد و شمار کے مطابق رواں مالی سال کی پہلی ششماہی (جولائی تا دسمبر) کے دوران 10 ارب 18 کروڑ ڈالر کی پیٹرولیم مصنوعات درآمد کی گئیں۔
اعداد و شمار کے مطابق گزشتہ مالی سال کی پہلی ششماہی کے دوران 4 ارب 77 کروڑ ڈالر کی پیٹرولیم مصنوعات درآمد کی گئی تھیں۔
مزید پڑھیے: ملک میں کھانے کی اشیاء کی درآمدات میں کمی
اس طرح رواں مالی سال کی پہلی ششماہی میں پیٹرولیم مصنوعات کی درآمدات کا حجم گزشتہ مالی سال کے اسی دورانیے کے مقابلے میں 113 فیصد زیادہ رہا۔
ماہرین کا کہنا ہے کہ پیٹرولیم مصنوعات کی دآمدات کے حجم میں اضافے کی وجہ عالمی مارکیٹ میں قیمتوں میں اضافے اور ڈالر کے مقابلے میں روپے کی قدر میں کمی ہے۔
مزید پڑھیے: بجلی پیدا کرنے کی مشینری کی درآمدات کم ہوگئی
اشیائے خورد و نوش اور پیٹرولیم مصنوعات کے درآمدی حجم میں ہونے والا اضافہ ملک کے تجارتی خسارے کو بڑھا رہا ہے جس کی وجہ سے زرمبادلہ کے ذخائر پر دباؤ بڑھ رہا ہے۔
واضح رہے کہ پاکستان کا تجارتی خسارہ گزشتہ مالی سال کے مقابلے میں تقریباً دگنا ہوگیا ہے۔
رواں مالی سال کی پہلی ششماہی میں پاکستان کا تجارتی خسارہ 25 ارب ڈالر سے تجاوز کرگیا ہے۔ جو کہ گزشتہ مال سال کی پہلی ششماہی میں 12 ارب 34 کروڑ ڈالر سے زیادہ تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News