اسلام آباد ہائیکورٹ کی جانب سے وزیراعظم کے بیٹے سلیمان شہباز کو 13 دسمبر تک سرنڈر کرنے کا حکم دے دیا گیا ہے۔
تفصیلات کے مطابق سلیمان شہباز کی جانب سے حفاظتی ضمانت کی درخواست پر سماعت آج اسلام آباد ہائیکورٹ میں چیف جسٹس عامر فاروق نے کی جس دوران سلمان شہباز کے وکیل امجد پرویز عدالت کے سامنے پیش ہوئے۔
وکیل نے دلائل پیش کرتے ہوئے بتایا کہ سلیمان شہباز اکتوبر 2018 سے بیرون ملک ہیں اس کے بعد ایف آئی آر ہوئی جس پر اعتراض کرتے ہوئے عدالت کا کہنا تھا کہ پٹشنر کی عدم موجودگی میں حفاظتی ضمانت نہیں دی جا سکتی ہے۔
اس موقع پر وکیل نے کہا کہ گیارہ دسمبر سعودی ایئرلائن پر سلمان شہباز پاکستان واپس آئیں گے تاہم ایئرپورٹ سے عدالت آنے تک سلیمان شہباز کی گرفتاری سے روک دیا جائے
دوران سماعت اسلام آباد ہائیکورٹ نے ایئر پورٹ پر سلیمان شہباز کو گرفتار نہ کرنے اور 13 دسمبر تک سرنڈر کرنے کا حکم جاری کیا ہے۔
خیال رہے کہ سلیمان شہباز نے اپنے وکیل کے ذریعے حفاظتی ضمانت کے لیے اسلام آباد ہائیکورٹ میں درخواست دائر کی تھی۔
سلیمان شہباز نے وکیل امجد پرویز کے ذریعے اسلام آباد ہائی کورٹ میں درخواست کے ذریعے استدعا کی ہے کہ انہیں دو ہفتے کی حفاظتی ضمانت دی جائے۔
واضح رہے کہ سلیمان کو شریف خاندان کے خلاف منی لانڈرنگ کیس میں اشتہاری قرار دیا گیا تھا اور لاہور کی احتساب عدالت نے ان کے ناقابل ضمانت وارنٹ گرفتاری جاری کیے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News