ملتان میں میپکو ٹیموں نے بجلی چوروں کے خلاف آپریشن کرتے ہوئے جنوبی پنجاب میں ایک روز میں 120بجلی چور پکڑلئے۔

ترجمان میپکو نے کہا کہ ملتان میں ایک لاکھ31ہزاریونٹس بجلی چوری کرنے پر21لا کھ13ہزار روپے جرمانہ عائد کر کے ،ایک ایف آئی آر درج کی گئی جبکہ ملتان میں 13گھریلوصارفین کو18054یونٹس چوری کرنے پر359777 روپے جرمانہ عائدکیا گیاہے۔

ترجمان میپکو کا کہنا تھا کہ بجلی چوروں کے خلاف کاروائی کے دوران ڈی جی خان میں 18 گھریلو صارفین کو21149یونٹس چوری کرنے پر339794روپے جرمانہ ا ، وہاڑی میں 9 گھریلواورکمرشل صارفین کو 7041 یونٹس چوری کرنے پر102358روپے جرمانہ جبکہ بہاولپور میں 11گھریلو،صنعتی اور ٹیوب ویل صارفین کو23669یونٹس چوری کرنے پر267018روپے جرمانہ اور ساہیوال میں 18 گھریلو،ٹیوب ویل اور دیگر کیٹگریز کے صارفین کو16237یونٹس چوری کرنے پر239994روپے جرمانہ ہے۔

ترجمان میپکو کا یہ بھی کہنا تھا کہ جنوبی پنجاب کے دیگر شہروں میں رحیم یار خان میں 10 گھریلو صارفین کو5699یونٹس چوری کرنے پر97500روپے جرمانہ اور مظفر گڑھ میں 14 گھریلواورکمرشل صارفین کو11549یونٹس چوری کرنے پر195000روپے جرمانہ اور ایک مقدمہ درج کیا گیا ہے۔

ترجمان میپکو کا  کہنا تھا کہ بہاولنگر میں 13 گھریلوصارفین کو18050یونٹس چوری کرنے پر330600روپے جرمانہ  جبکہ خانیوال میں 14 گھریلوصارفین کو10521یونٹس چوری کرنے پر181508 روپے جرمانہ عائد کیاگیا ہے ۔

  ترجمان میپکو کا مزید کہنا تھا کہ بجلی چوروں کے خلاف  مقدمات  درج کرا دیئے گئے اور اس معاملے پر مزید تحقیقات کی جارہی ہے۔