پشاور جوڈیشل کمپلیکس میں فائرنگ سے سی ٹی ڈی اہلکار حجت اللّٰہ شہید ہو گیا ہے۔
تفصیلات کے مطابق پشاور جوڈیشل کمپلیکس میں فائرنگ واقعہ پیش آیا ہے، وکیل کے بھیس میں موجود شخص نے جوڈیشل کمپلیکس کی حدود میں فائرنگ کردی۔
اے ٹی سی عدالت کے قریب فائرنگ کے نتیجے میں 3 افراد شدید زخمی ہوگئے جنہیں اسپتال منتقل کردیا گیا ہے جبکہ پولیس نے ملزم کو موقع پر ہی گرفتار کرلیا۔
اس حوالے سے پولیس نے بتایا ہے کہ فائرنگ کا واقعہ ذاتی دشمنی کا شاخسانہ ہے، ملزم وکیل کے روپ میں جوڈیشل کمپلیکس میں داخل ہوا۔
پولیس کا کہنا ہے کہ گرفتار ملزم کے قبضے سے واردات میں استعمال ہونے والی پستول برآمد کرلی ہے جبکہ ملزم کی شناخت عبدالوب ولد خان زمان کے نام سے ہوئی ہے، تاہم ملزم کو تفتیش کے لیے شرقی تھانے منتقل کر دیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News